Tedha Hai Par Mera Hai | My Autism Journey | 2.5 Saal Tak Normal Tha Fir...

Tedha Hai Par Mera Hai ❤️ Namaste, main Sangeeta, Harshil ki mummy. Ye kahani hai mere bete Harshil ki. Janm tak sab normal tha, 2.5 saal tak bilkul sahi tha. Fir lockdown aa gaya, school band ho gaya aur dheere-dheere uski baaton me delay hone laga. Doctor ne bola - Autism. Ye shabd sunte hi hum toot gaye. School me mana, tuition me mana. Therapist ne bola ball se khilao, par wo ball se bhi nahi khelta tha. Fir maine socha, ab rona nahi, sikhana hai. Ghar pe hi padhana shuru kiya. Aur Harshil ne padhna seekh liya, likhna seekh liya. Aaj wo sirf ek shabd bolta hai - MUMMY. Aur mere liye duniya ka sabse khoobsurat shabd wahi hai. Agar aapke ghar me bhi aisa koi special baccha hai, to please haarna mat. Is channel par main series la rahi hu - Maine Harshil ko Kaise Sikhaya? Hindi, English, sab. 🙏 Agla video - Harshil ka Four Line wala ABCD wala chart. #autism #autismawareness #autismmom #speechdelay #specialchild #harshil #autismjourney #momlife