ملحمة الدّغباجي * الخمسة الي لحڨوا بالجرّة * إسماعيل الحطاب

ملحمة الدّغباجي ...الخمسة الي لحڨوا بالجرّة الشهيد المجاهد " أسد الجنوب التونسي " محمّد الدغباجي رحم الله شهداء و رجال تونس الاحرار. و لعن الله كل من سعى لتغييب و تشويه تاريخهم النضالي ليكتب لنفسه تاريخا مزيفا لا يستحقه .. من الخاصيات الفذّة للشّعر الشعبي أنه يوثق الأحداث التي تمس الناس في الصميم، و يرسّخها في الذاكرة الشعبية. شعر المعارك أو مثلما ما هو دارج عند الشعراء شعر الخطاري(جمع خطرة) أو الملاطم (جمع ملطم) و معناها المواجهة من الأغراض التي أخذت مكانة في فترة المقاومة للاحتلال الفرنسي و تواصل مع الحركة الوطنية باستمرار حتى أوائل الخمسينات. الخمسة هم الكيلاني صبّاب فرانسا،و أربعة آخرين خلطوا على المناظل الدغباجي باش يقتلوه و هو خارج من مخزن مطماطة .. لكن الدغباجي" الشهلول" محاهم و ما يرجع كان اخبرهم.. الشاعر الي خلد الذكرى الى حد اليوم موش معروف خوفا من فرنسا.. المرحوم إسماعيل الحطاب غناها وفيها كلمات ممتازة وصفت المعركة بفن وإتقان... *** جو خمسة يقصوا في الجرة*** وملك الموت يراجي و لحقوا مولى العركة المرة*** المشهور الدغباجي *** فزعوا خمسة بربايعهم*** تايجيبوا الفلاَّقَة مخزن مطماطة ينجِّيهم*** لثرنهم بنداقة الكيلاني يتحلَّف فيهم*** بحلالة و طلاقه الدَّالة الفلاَّقة نمحيهم*** في واسع رقراقة ضربوا الخمسة وحبوا إيديهم*** زفُّوا زفْ تلاقى كذب الوسعة يقصر بيهم*** زي هدير الناقة تاو ان يتلاقوا يقضيهم*** بوسربة شلهاقة زي الذيب يمزِّل فيهم*** ويلالي ويهاجي كان التل يخبَّر بيهم*** وجواب البسطاجي. *** فزعوا خمسة فوق حصُنَّة*** من مخزن مطماطة وقالوا هاهي الجرة منا*** وجَوا في اوّل شوَّاطة الدَّغباجي قاعد يستنّى*** طاح لهم وتواطى فيده ستوتي يلدغ سِمَّه*** دار فيهم شاماطة صُبْعَه والقرَّاص يلمَّه*** يعجل ما يتناطى واللي ينُوشَه يا ويل أمَّه*** فاح قتار اشياطه يجي مرمي مصبوغ بدمَّه*** سِمْ منحَّس لاطه مسَرْجِي بيت النار بضمَّه*** وشُغْل الحربي ساجي ومولاها كبير آصل وهمة*** وعنده الكيف مقاجي *** نهار الخمسة لحقوا خمسة*** و للهم حامي ربِّي صباح إلْ ما زرقتشي شمسه*** اللي يقتُل ما يدِّي يا لاحق مكناتك همشة*** ظنِّي فيك مغدِّي اللي يصبح منكُمْ ما يمْسَى*** الدغباجي متنبي سرجاها بستوتي نَمْشَه*** لقداهم متفاجي معاها يتكلم بالرَّمْشَة*** ويحكم بالكِفاجي *** جو خمسة يقصُّوا في الجرة*** و ملك الموت معاهم راميهم شيطان بشرَّه*** على تبزيع دماهم قِرْحوا يحسابوها غِرَّه*** يتبشروا بملقاهم وقت ان شبح العين تعرَّى*** تَكـُّوا الخيل قداهم والدغباجي فيده حُرَّة*** يسربيلهم في عشاهم سرجاها وخرجت عل برَّة*** في المِلهاد اخذاهم دوَّفْهم كيسان المُرة*** موش من القهواجي الخمسة درجحهُمْ في مرة*** لا من روَّح ناجي. جو خمسة يقصوا في الجرة*** وملك الموت يراجي و لحقوا مولى العركة المرة*** المشهور الدغباجي #ربوخ_تونسي #مزود #أغاني_تونسية #tunisie #MariageTunisien #MusiqueTunisienne #bestof #remastered #algerie #weddingmusic #dancemusic #maghrebmusic #tunisianmusic #TunisiensEnFrance #DiasporaTunisienne #مزود #ربوخ_تونسي #أغاني_تونسية #أعراس_تونسية #كوكتال_تونسي #تراث_تونسي