МӘСКЕУСІЗ КҮНДЕРІҢ ҚАРАҢ | САРАПТАМА

1991 жылы жарты әлемге ықпалын жүргізген қызыл империя – Кеңестер одағы ыдырады. 80 жылдай КСРО-ң шекпенінде болған «одақтас республикалар» тәуелсіздікке қол жеткізіп, әркім өз жолымен кетті. Одақтас республикалар деген тіркесті тырнақшаға текке алып отырғаным жоқ, бұл елдердің қай-қасысы болмасын, Мәскеудің колониясы болғанын біз бен сіз жақсы білеміз. Кремльдегі импершіл саясаткерлерден бастап, қатардағы сарапшыға дейін, 35 жыл өтсе де, бізсіз күндерің қараң деп қақсаумен келеді. Ресей болмаса батыстың жемтігіне айналасың деген қисынсыз уәждеріне ойын баласынан өзге көзі қарақты адамның сене қоймайтынын шамасы түсінбеген сыңайлы. Еуразия құрлығының басым бөлігін ықпалында ұстап, «ұлылық» дерті меңдеген отаршылардың пиғылын түсінуге де болатын шығар сірә, бірақ, Кеңес одағы келмеске кеткенін, енді бұрынғыдай басқаға ықпалы жүрмейтіні олардың санасына сол күйі жетпеген. Содан болар, күні бүгінге дейін бұрын КСРО-ң қолтығында болған елдерге барса, өктем сөйлейтіні. Жә, бүгінгі айтпағымыз Кеңес одағы мен оны аңсаушы шовинистік тобыр емес, жалпы сол «Ұлттарды ұйыстырып», «бұратана жұрттардың көзін ашқан» Кеңестік империя болса, ол құлағанына шаттанған тәуелсіз мемлекеттер қазір бордай тозып кетті ме? Мәскеудің шешімінсіз алысқа бармай кім көрінгенге кіріптар болып, көлденең көк аттының олжасына айналып, ұстағанның қолында, тістегеннің аузында кетті ме? Жалпы Посткеңестік елдер КСРО тараған 35 жылдан бері қалай өмір сүріп жатыр? Қандай жетістіктері, кемшін тұстары мен проблемалары бар? Осы жайларды бір саралап көрсек. Ендеше ағайын, патша көңілдеріңіздің қалауымен Білген Дұрыс арнасына тіркеліп, біз шығарып жүршен контенттерді лайкқа лайық деп тапсаңыздар бастайық. #білгендұрыс #жаңалықтар #қазақстан