Республикалық «Түркістан дауысы-2022» жас әншілер байқауы- 1 күн

Түркістанда биыл екінші рет ұйымдастырылып отырған байқауға, еліміздің 17 облысынан келген жас дарын иелері өз бақтарын сынады. 18-35 жас аралығындағы 52 үміткер өнер сайысының іріктеу кезеңіне (онлайн форматта) өтінім білдіріп, ұйымдастыру алқасымен іріктелген 17 үміткер байқауға жолдама алды. Байқауда қатысушылар екі шығарма, яғни Қазақстан композиторларының әндері, және өз таңдауы бойынша (вокалды инструменталды ансамбль сүйемелдеуімен) орындады. Қазылар алқасы құрамы: Медеу Арынбаев - ҚР еңбек сіңірген қайраткері, әнші, композитор, қазылар алқасы төрағасы; Бейбіт Оралұлы - «Құрмет» орденінің иегері, ҚР Президенті сыйлығының иегері, композитор; Маржан Арапбаева - ҚР еңбек сіңірген қайраткері; Халықаралық конкурстар лауреаты; Мансур Ташматов - Өзбекстан Республикасының халық әртісі; Жанар Дұғалова - ҚР еңбек сіңірген қайраткері, Халықаралық конкурстар лауреаты.