مجرور اليوم الوطني ٩٤🇸🇦 | انا سعودي | كلمات ماهر المعبدي | اداء نايف المعبدي حصرياً 2024

انا سعودي والفخر حق مشروع اسم السعودي فوق كل الاسامي والعز ماهو يوم من عُرض الاسبوع لابالله الافوق تسعين عامي زايد على التسعين باربع ومتبوع بامر الولي والنور يجلا الضلامي حنا علمنا طول الايام مرفوع لو تنكس الاعلام والضرب حامي يبقى سماء بين المجرات مزروع ماينزرع بين الغصون النوامي اخضوعنا يحسب مثل حبة الكوع وشموخنا فرضٍ علينا لزامي لو تحشد الاخصام وتدور فزوع ناقف وقوف محققين المرامي في ضل من تخضع له العاصيه طوع وتخضع له الحُكام شرقن وشامي سلمان عون اللي من الوقت مفجوع الحاكم العادل رفيع المقامي يحكم بنص الشرع في كل موضوع دستوره القران حسب النظامي وعلى يمينه سيف ماهو بمصنوع سيفٍ من سيوفٍ تقص العظامي محمد اللي لاسطى كل زعزوع جود له القيد القوي والخطامي ولي عهد المملكه نادر النوع منبع وفاء مروي كبود الضوامي فالصبح مشروع وفالليل مشروع حلق بنا من فوق رووس الغمامي له رؤويتن تثمر وله راي مسموع وله سطوتن تقطع يدين الحرامي وحنا جنود الدار والدار مطموع وطمعة بلدنا من جميع الانامي يوم الشعوب ارهقهم الخوف والجوع وعيونهم عافت لذيذ المنامي عشنا بامان وخير مثني ومربوع مابه سعودي بات جيعان ضامي واليوم يوم الدار والحب مطبوع بصدورنا من عهد حكم الامامي من سده قلوبن ومن قدمه ضلوع اشد واخطر من نصاب الحسامي وصادق ولانا ماهو بشي منزوع لابالله الا مثل بصمة بهامي انجدد البيعه و لايمكن انتوع عن سكة اللي جعلهم لرحامي وان دندنت واصطكت جموع بجموع وثار القبس والحرب جاله عسامي نسقي معادينا من السم قرطوع ونعيفه سكة لعين الرسامي نفدا الوطن ونذود بسيوف ودروع واللي يمجد موطنه مايلامي حنا سعوديين والعاصيه طوع تخصع لنا في كل يومٍ وعامي