ជិតចេញលទ្ធផលប្រាក់ឈ្នួល៖ កម្មករដាក់តួលេខ ២២៥ដុល្លារ ខណៈថៅកែសុំរក្សា ២១០ដុល្លារដដែល

តួលេខប្រាក់ឈ្នួលអប្បបរមាផ្លូវការឆ្នាំ២០២៧ នឹងត្រូវសម្រេចតាមរយៈការបោះឆ្នោតក្នុងកិច្ចប្រជុំត្រីភាគី នៅថ្ងៃទី៣០ ខែកញ្ញា រដ្ឋមន្ត្រីក្រសួងការងារ លោក ហេង សួរ បានឱ្យដឹងថា ជំហរចុងក្រោយសម្រាប់ការចរចាប្រាក់ឈ្នួលសម្រាប់ឆ្នាំ២០២៧ តំណាងភាគីកម្មករនិយោជិត ដោយយោងលើមតិភាគច្រើននៃផ្ទៃក្នុងរបស់ខ្លួនបានស្នើតួលេខកំណើនចំនួន ១៥ដុល្លារ ដែលស្មើនឹង ២២៥ដុល្លារ ខណៈកន្លងមកតំណាងភាគីកម្មករបានស្នើតួលេខចំនួនពីរផ្សេងគ្នា។ ដោយឡែក តំណាងភាគីនិយោជក បានស្នើរក្សាតួលេខប្រាក់ឈ្នួលអប្បបរមា ២១០ដុល្លារដដែល។ បើតាមលោករដ្ឋមន្ត្រី ហេង សួរ សម្រាប់ភាគីរាជរដ្ឋាភិបាល ក៏អាចនឹងដាក់តួលេខមួយថែមទៀត សម្រាប់ការបោះឆ្នោតនាពេលខាងមុខនេះផងដែរ។ Follow Kampuchea Thmey TV for more: Facebook:   / kptdaily   Telegram: https://t.me/kampucheathmeytv Tiktok:   / kampuchea_thmey_daily