Zelenski Rusiyanın hərbi əməliyyatları və özünün Kiyevdən təxliyəsi ilə bağlı danışdı | APA TV

#APATV #ukrayna #zelenski Ukraynaya qarşı genişmiqyaslı müharibənin baş verə biləcəyinə inanmırdım. Bunu Ukrayna Prezidenti Volodimir Zelenski xarici mediaya müsahibəsində deyib. O, buna baxmayaraq, işğalın həyata keçdiyini etiraf edib. Zelenski ABŞ-ın keçmiş prezidenti Co Baydenin müharibədən əvvəl Rusiyaya sanksiya tətbiq etməkdən imtina etməsinə də toxunub. “Biz amerikalılara dedik, əgər bunun müharibə olduğuna inanırsınızsa, bizə təcili olaraq silah verin. Amma bizə heç kim heç nə vermədi. Mən Prezident Baydendən xahiş etdim ki, müharibədən əvvəl qabaqlayıcı tədbir kimi, Rusiyaya sanksiya tətbiq etsin. O isə mənə cavabında hücumdan sonra sanksiya tətbiq edəcəyik dedi. Mən Tanrı deyiləm ki, bunu mühakimə edim. Amma düşünürəm ki, bu hərəkət səhv idi”, deyə Zelenski bildirib. Ukrayna Prezidenti özünün Kiyevdən təxliyəsi məsələsi ilə bağlı da danışıb. Zelenskinin sözlərinə görə Bayden ondan təxliyə olunmağı xahiş edib: “O dedi ki, biz sənə təxliyə edilməkdə kömək etməyə hazırıq. Kiyev mühasirəyə alınıb, biz sənə və ailənə kömək etməyə hazırıq. Mən isə cavabında dedim ki, mənə silah lazımdır, təxliyə yox”. Ukrayna lideri Rusiyanın onun təxliyəsi ilə bağlı çoxlu iddialar yaydığını qeyd edib. “Onların ideyası bu idi ki, əgər lider ölkədən qaçsa, xalq da qaçacaq. Onlar mənim qaçmağımı istəyirdilər. Mən Kiyevi, xalqı, ofisimi tərk edə bilməzdim. Bu mümkün deyildi. Bu, özümə və Ukrayna Konstitusiyasına qarşı xəyanət olardı”. Volodimir Zelenski bundan başqa müsahibəsində Donetsk vilayətinin Ukraynanın nəzarətində olan hissəsinin Rusiyaya verilməsi barədə danışıb. O bildirib ki, Donetsk vilayətinin Ukraynanın nəzarətində olan hissəsinin Rusiyaya verilməsi Moskvanın Dnepropetrovsk vilayətindəki şəhərlərə doğru irəliləməsi riskini artıracaq. Prezidentin sözlərinə görə, Rusiya müharibəni başa çatdırmaq üçün Ukraynadan Donetsk vilayətindəki Slavyansk, Kramatorsk və Drujkovka şəhərlərini təhvil verməyi tələb edir. “Bu, birbaşa Dnepropetrovsk vilayətinə — Pavloqrada və Dneprə doğru yol açır. Bunlar çox mühüm mərkəzlərdir. Krivoy Roq mənim doğma şəhərimdir, Nikopol isə ölkəmizin sənaye, mühəndislik və istehsal mərkəzidir. Bunlar ölkəmizin iqtisadiyyatıdır”, deyə Zelenski deyib. O, Ukraynanın Donetsk vilayətinin nəzarətində olan hissəsini Rusiyaya verməsinin təhlükəli olduğunu vurğulayıb. Prezident qeyd edib ki, həmin ərazidə Ukrayna ordusunun möhkəmləndirilmiş müdafiə xətti yerləşir. “Əgər biz bu şəhərlərimizi onlara versək, risk çox böyük olacaq. O, daha da irəliləmək istəsə, çoxlu sayda şəhərimizi ələ keçirə bilər. Bu, real riskdir. Heç kim heç nəyə zəmanət vermir”, deyə Zelenski bildirib. #apaxəbər #apatvxəbər #gundemxeberler #gününxəbərləri #sondeqiqe ✅ Rəsmi saytımız: https://apa.tv ✅ Rəsmi facebook səhifəmiz:   / tvapaxeber   ✅ Rəsmi instagram səhifəmiz:   / apatvresmi   ✅ Rəsmi X səhifəmiz:   / apatvofficial   ✅ Rəsmi teleqram səhifəmiz: https://t.me/apa_tv ✅ Rəsmi youtube kanalımız: https://www.youtube.com/APAGROUPOffic... Copyright © APA TV Videolarda yazılan rəylərə görə kanal rəhbərliyi məsuliyyət daşımır. REKLAM TƏKLİFİ ÜÇÜN (Contact) info@apa.tv