ICC-ព្រះវិហារបានស្នើឱ្យថៃផ្តល់ព័ត៌មាននៃការបាញ់ប្រហារកម្ពុជាដើម្បីចូលស្តារតំបន់ប្រាសាទខ្មែរ

អង្គប្រជុំបច្ចេកទេសលើកទី១១ នៃគណៈកម្មាធិការសម្របសម្រួលអន្តរជាតិដើម្បីការពារ និងលើកតម្លៃប្រាសាទព្រះវិហារ ហៅកាត់ថា ICC-ព្រះវិហារ នៅថ្ងៃទី៣០កញ្ញា បានស្នើសុំភាគីថៃផ្តល់ព័ត៌មានអំពីទិសដៅនៃការបាញ់ប្រហារ និងទិន្នន័យពាក់ព័ន្ធនឹងការទម្លាក់គ្រាប់បែកពីលើអាកាស និងការបាញ់ប្រហារពីដីដែលជាមូលដ្ឋាននៃពត៌មានក្នុងការបោសសម្អាតមីន និងអាវុធជាតិផ្ទុះនានាដើម្បីស្តារឡើងវិញនូវសុវត្ថិភាពនៅតំបន់ប្រាសាទ និងតំបន់អភិវឌ្ឍន៍។ បន្ថែមពីនេះ អង្គប្រជុំក៏បានផ្តល់អនុសាសន៍ដល់អាជ្ញាធរជាតិព្រះវិហារក្នុងការកំណត់ និងរៀបចំអាទិភាពតំបន់សម្រាប់ការបោសសម្អាតសំណល់ជាតិផ្ទុះពីការប៉ះទង្គិចប្រដាប់អាវុធ និងគ្រាប់បែកចង្កោមផងដែរ។ លោក គង់ ពុទ្ធិកា អគ្គនាយកនៃអាជ្ញាធរជាតិព្រះវិហារ បានប្រាប់វិទ្យុបារាំងអន្តរជាតិ Rfi នៅថ្ងៃទី៣០កញ្ញាថា អង្គប្រជុំបច្ចេកទេស ICC-ព្រះវិហារលើកនេះបានពិនិត្យឃើញមានកិច្ចការងារបន្ទាន់ដើម្បីសង្គ្រោះប្រាសាទព្រះវិហារដែលកំពុងខូចខាតយ៉ាងដំណំដូចជា ការទល់ទ្ររចនាសម្ព័ន្ធប្រាសាទចំនួន ២៥កន្លែង ការសាងសង់រោងដើម្បីរក្សាទុកបំណែកថ្មជៀសវាងការខូចខាត និងបាត់បង់ ការរៀបចំប្រព័ន្ធផ្លូវទឹកបន្ថែមទៀតដើម្បីបញ្ជៀសផលប៉ះពាល់ប្រាសាទ។ 🔔 Please subscribe: https://rfi.my/YTkm 🌍 ទទួលព័ត៌មាននៅជុំវិញពិភពលោកដោយផ្ទាល់ https://www.rfi.fr/km/ ភ្ជាប់ជាមួយហ្វេសប៊ុករបស់យើង https://rfi.my/FBkm ទទួលព័ត៌មានពីយើងតាម X https://rfi.my/Xkm ទទួលព័ត៌មានតាមអ៊ីនស្តាក្រាម https://rfi.my/IGkm ទទួលព័ត៌មានតាមតេឡេក្រាម https://rfi.my/TGkm និង WhatsApp https://rfi.my/WAkm ទទួលព័ត៌មានតាមទិកតុក https://rfi.my/TKkm