45. Мұса мен Қызыр | Қисса сүл-әнбия

Мұса мен Қызыр Мұсаға Алла көп ілім берді. Сансыз мұғжиза нәсіп қылды. Кітап түсіріп, дана етті. Рухани ілімнің шарапатынан Мұсаның көңілі шалқыды. Ол бірде: – Уа, Тәңірім! Сенің ілімі менен асқан құлың бар ма? – деп сұрады. – Әлбетте, бар. Парсы мен Рұм дариясы тоғысқан жерге барсаң, менің бір Қызыр есімді құлымды табасың. Сен содан сабақ ал! – деді. Мұса пайғамбар таңғалып, Қызырды көргісі келді.