የገነት ጉብኝት: የመንግስተ ሰማይ ታሪክ መንፈሳዊ ፊልም በአማርኛ

ዳንቴ አሊጊዬሪ (ጣልኛ፦ Dante Alighieri) (1257 - 1313 ዓ.ም.) የጣልያን ባለቅኔ ነበር በጣሊያን ውስጥ ከሚወዳት ፍሎረንስ የትውልድ ከተማ ወደ ራቬና የተሰደደው እውቁ ገጣሚ ዳንቴ በድርሰት ሥራዎቹ ዛሬም ይናገረናል። ሰዎች በሙሉ ድንቅ ሥራዎቹን በማንበብ እና በማጥናት ብቻ ሳይሆን በማድመጥ እና በተግባር በመኖር ወደር ከሌለው ዘለዓለማዊ የእግዚአብሔር ፍቅር በመታገዝ ወደ እውነተኛ ደስታ እንድንደርስ ይጠይቀናል። ስራው ቤተክርስቲያን እና ሲቪል ማህበራት አሁንም ድረስ የሚያቀርቡትን መሠረታዊ እሴቶችን ያቀፈ፣ ሁሉም ሰው ሌሎችን እንደ ወንድም እና እህት አድርጎ እንዲመለከት የሚደርግ ማህበራዊ መሠረት ያለው ነው ተብሎለታል ። ተፈጥሮአዊ የደስታ ፍላጎት በእውቁ ገጣሚ ዳንቴ “መለኮታዊ ኮሜዲዎች” ውስጥ ሁለት ዋና ዋና ዓምዶች ያሉ ሲሆን ፣ እነርሱም “በሰው ልብ ውስጥ የሚገኝ ተፈጥሮአዊ ፍላጎት” እና “ፍቅር በሆነው በእግዚአብሔር ዕቅድ የሚፈጸም ደስታ ነው”። ገጣሚው ዳንቴ “የተስፋ ነቢይ” የተባለበት ዋናው ምክንያት ሥራዎቹ የሰው ልጅ ራሱን ጨለማ ከነገሰበት ከኃጢአት በረሃ በመውጣት በሕይወት ታሪክ ውስጥ እርካታን ወደሚያገኝበት ወደ ዘለዓለማዊው እግዚአብሔር ጎዳና እንዲደርስ ስለሚያሳስብ ነው ተብሏል ። በዳንቴ ስራ ውስጥ የተወደሱ 3 ሴቶች እናገኛለን እነርሱም ፣ የቸርነት ምሳሌ የሆነችው እመቤታችን ቅድስት ድንግል ማርያም፣ ተስፋን የምትወክል ቤያቲሪስ እና እምነትን የምትወክል ቅድስት ሉሲ ናቸው። ስነ-መለኮታዊ ባሕርያትን የተላበሱት እነዚህ ሦስቱ ሴቶች፣ የሌሎች ሰዎች እገዛ ካልታከለበት በቀር የሰው ልጅ ብቻውን ሆኖ ራሱን ማዳን እንደማይችል ለዳንቴ ሥራዎች መሠረት ናቸው።