ឈឺក្បាលផ្នែកខាងមុខ តឹងសរសៃក វិលមុខ ជាសញ្ញានៃជំងឺលើសឈាម

ជំងឺលើសឈាមអាចបណ្ដាលឲ្យអ្នកជំងឺពិការមួយចំហៀងខ្លួនបានបើសិនព្យាបាលមិនទាន់ពេល។ដើម្បីទទួលការព្យាបាលបានទាន់ពេលអ្នកជំងឺត្រូវតាមដានសុខភាពជាប្រចាំមួយចំនួនដូចជា អាការវិលមុខ ឈឺក្បាលផ្នែកខាងមុខ និងតឹងសរសៃកជាដើម។ បើមានសញ្ញាបែបនេះលោកអ្នកអាចប្រឈមនឹងជំងឺលើសឈាមហើយ។ នេះបើតាមការបញ្ជាក់ពីលោកសាស្រ្តាចារ្យមហាបរិញ្ញា សារ៉ាក់ ផល្លី វេជ្ជបណ្ឌិតឯកទេសជំងឺបេះដូង។ លោកវេជ្ជបណ្ឌិតបានបន្ថែមថា ជំងឺនេះអាចកើតឡើងទាំងមនុស្សវ័យក្មេង និងមនុស្សចាស់ហើយគេសង្កេតឃើញមានច្រើន។ លោកវេជ្ជបណ្ឌិតបន្ថែមថាក្រុមមនុស្សដែលមិនសូវបានធ្វើលំហាត់ប្រាណនិងអ្នកដែលលើសទម្ងន់ដែលអាចប្រឈមនឹងជំងឺលើសឈាមនេះកាន់តែខ្ពស៕