اليوم 3 : الصويرة - شاطئ تافدنة - اقليم حاحا - الشاطئ المخفي 🌊🏖️🐪🚴‍♂️✌️🏕️❤️

🚴‍♂️ New Journey – Day 3 اليوم الثالث من الرحلة انطلق من الصويرة، في اتجاه وجهة جديدة: شاطئ تافدنة، على مسافة تقارب 69 كلم. منذ الكيلومترات الأولى، بان أن المرحلة ما غاديش تكون سهلة… الطريق كانت فيها طلوع وهبوط مستمر، كنطلعوا فالارتفاع ومن بعد نهبطوا، الشي اللي خلّى الإيقاع متعب والتقدم بطيء شوية. وزاد على ذلك، الرياح ما كانتش دايماً في صالحنا، والحرارة كانت مرتفعة بشكل واضح، الشي اللي زاد من صعوبة التحدي وخلا الرحلة تختبر القدرة على التحمل والصبر 🔥 رغم هاد الظروف، حافظنا على التركيز وعلى نفس الهدف: نكملو الطريق كيف ما خططنا ليه. ومع كل كيلومتر، كان الإصرار كيزيد أكثر 💪 وفي الأخير، الحمد لله تمكنّا نوصلو إلى شاطئ تافدنة بخير وعلى خير 🙏 وكانت المفاجأة زوينة… وصلنا لواحد الكامبين رائع، أجواء هادئة، طبيعة خلابة، ومكان مثالي للراحة بعد يوم طويل من التحدي 🌊🌿 لحظة الوصول كانت فيها راحة كبيرة وإحساس بالفخر، حيث أن الصعوبات اللي واجهناها زادت عطت قيمة لهاد التجربة. كل نهار كيزيد يأكد أن الرحلة ماشي غير مسافة كنقطعوها، بل تجربة كتعلم الصبر، القوة، والاستمتاع بكل لحظة فطريق 🔥 #Cycling #Bikepacking #Morocco #Essaouira #tafedna #Adventure #endurance #الصويرة #المغرب #رياضة #تخييم