Robotlar rusları mövqelərindən QOVUR: Texnologiya müharibənin taleyini DƏYİŞİR

#Kanal13abuneol​ #LikeKanal13News​ #Subscribe #Kanal13TV Əziz izləyicilərimiz! Biz sizin SƏSİNİZ OLMAQ üçün AZADLIĞIMIZI itirdik. Rəhbərimiz Əziz Orucov hələ də həbsdədir. Bizə DƏSTƏK olun, ABUNƏMİZ OLUN:    / @kanal13x   Ukrayna şəxsi heyət çatışmazlığını kompensasiya etmək və hərbi itkiləri azaltmaq məqsədilə döyüş meydanında yerüstü dronlardan getdikcə daha çox istifadə edir. Bu barədə yerüstü robotlaşdırılmış sistemlərin tətbiqi üzrə ixtisaslaşmış Ukrayna bölməsinə baş çəkən "Reuters" agentliyinin hesabatında məlumat verilir. Jurnalistlər Ukraynanın şimal-şərqində, cəbhəyə yaxın ərazidə döyüş tapşırıqları üçün "Hyena" (Canavar) adlandırılan dördtəkərli nəqliyyat vasitələrini hazırlayan ukraynalı hərbi mexaniklərin fəaliyyətindən bəhs edirlər. Bu vasitələr Rusiya mövqelərinə partlayıcı maddələr çatdıra, sığınacaqlara hücum edə və ya düşmənin irəliləməsinin qarşısını ala bilir. Mexaniklərdən birinin sözlərinə görə, oxşar robotlaşdırılmış platformalardan artıq rusiyalı hərbi əsirlərin ələ keçirilməsində də istifadə olunub. "Reuters" qeyd edir ki, təxminən 1200 kilometrlik cəbhə xətti boyunca müxtəlif ərazilərdə belə emalatxanalar yaradılıb. Şəxsi heyət çatışmazlığı ilə üzləşən Ukrayna bölmələri təhlükəli tapşırıqları getdikcə daha çox robotlara həvalə etməklə texnoloji üstünlük əldə etməyə çalışırlar. Söhbət təkcə döyüş texnikasından getmir; yerüstü dronlar həmçinin sursat və təchizat daşıyır, yaralıları təxliyə edir və insanların hərəkətini təhlükəli edən, dronlarla sıx dolu döyüş meydanı şəraitində fəaliyyət göstərir. Ukrayna Müdafiə Nazirliyinin məlumatına görə, bu sistemlər təkcə cari ildə 50 mindən çox logistika və təxliyə tapşırığını yerinə yetirib. "Reuters" diqqəti yerüstü dronların istifadəsini genişləndirməyə çalışan Üçüncü Ordu Korpusuna yönəldir. Korpusun komandiri, briqada generalı Andrey Biletski piyada qüvvələrinin tədricən yerüstü robotlarla əvəz olunmasını müharibə aparılmasında növbəti "inqilab" adlandırır. Korpus ilin sonuna qədər cəbhə xəttindəki qoşunlarının təxminən üçdə birini robotlaşdırılmış sistemlərlə əvəz etməyi planlaşdırır. "Əgər Qərb həqiqətən də təkcə zamana ayaq uydurmaq yox, həm də ondan bir addım öndə olmaq istəyirsə, növbəti inqilab barədə düşünməlidir", - deyə Biletski bildirib. Bununla yanaşı, nəşr qeyd edir ki, yerüstü dronlar hələlik piyada qüvvələrini tam əvəz edə bilməz. Onlar fiziki maneələri aşmaqda çətinlik çəkir, binaları və ya səngərləri müstəqil şəkildə təmizləyə bilmir və istehsal həcmləri hələ hava dronları kimi kütləvi hücumlar həyata keçirmək üçün kifayət qədər deyil. Buna baxmayaraq, Ukrayna komandirləri onları şəxsi heyəti ən təhlükəli işlərdən azad etməyin bir yolu kimi görürlər. Reuters-in Xarkov vilayətində baş çəkdiyi NC13 bölməsində yerüstü nəqliyyat vasitələri artıq hücum dronları ilə birgə mütəmadi olaraq istifadə olunur. Operatorlar onları komanda məntəqəsindən idarə edir və ekranlar vasitəsilə döyüş meydanını izləyirlər. Biletskinin sözlərinə görə, robotlaşdırılmış sistemlərin geniş yayılması komandirlərin taktikasını da dəyişə bilər; bu, onlara ciddi insan itkisi riski olmadan daha tez-tez təhlükəli əməliyyatlar keçirməyə imkan verir. "Müharibə yaradıcı fəaliyyətdir, o, bir sənətdir", - deyə o vurğulayıb. Reuters qeyd edir ki, əvvəllər belə texnologiyalar olmadan döyüşmüş Ukrayna hərbçiləri üçün bu dəyişikliklərin əhəmiyyəti xüsusilə nəzərəçarpandır. NC13 bölməsinin "Bar" çağırış adlı komandir müavini, əsas döyüşlərdə iştirak etmiş keçmiş piyadadır. O deyir ki, əgər o vaxt yerüstü dronlardan geniş istifadə olunsaydı, "dostlarımın çoxu hələ də sağ olardı". https://bit.ly/2V19Fdy - Kanal13 GLOBAL ▌▌►Website: http://kanal13.info Click & Subscribe to the main YouTube Channel – Kanal13 Global:    / @kanal13az   © KANAL13 Tags: _#Ukraine, #Russia, #Putin, #Putler, #Russian invasion of Ukraine, #Zelenski, #Kiev, #Kyiv, #Kadyrovarmy, #Kadirov, #Kherson, #Bucha, #Kharkiv, #Ukrainian pilots, #Vagners, #Russiantanks, #NATO, #drones, #Moscow, #Kreml, #warvictims #Ukrayna, #Zelensky, #Trupm, #DonaldTrump, #savaş, #Qarabağ, #Bakı