ХЬО БЕЦАРА САН ДАЙМОХК ?

ХЬО БЕЦАРА САН ДАЙМОХК ? 1 Хьо бецара сан Даймохк ? ,Исламах дог долуш ? Хьо йецара Нохчийчоь ,Г1иллакхийн бохь болуш ? Хьо йецара Нохчийчоь ,Доьналлуо кхиийнарг ? Дуьненчохь яьлла г1ар ,Парг1ато ларйинарг ! 2 Хьо бецара сан Дайн-Мохк ,лаьттат1ехь къаьсттина? Г1ийланиг мисканиг ,дог оьцуш хьистина ? Хьо йецара Дег1аста, Къонахий кхиийнарг ? Лардинарг церан доь ,Маршонехь йахчийнарг ! 3 Хьо бецара Нохчийн-Мохк,дицдан хьайн йиш йоцург ? Турпалан Нохчочун ,т1аьхьенех кхерч болуш ? Хьо бецара сан Дайн-Мохк ,цу стигла кхоьвдинчу ? Хьуьнарца кхочу дарж ,Доьналлех лам болуш ! 4 Хьо йецара Нохчийчоь ,Маршонах кхача берг ? Маршонан къийсамехь ,Маршонна кхоьллинарг ? Хьо йацара Нохчийчоь,Паччахьий Къаной берг ? Массуо а бераш хьайн,Маликаш лоруш ерг ! 5 Хьо йецара Нохчийчоь,Зударшкахь Сий кхаьбнарг ? Эхь-бехках дуьззина ,1адаташ доттинарг ? Хьо йацара Нохчийчоь,бакъонаш ларйинарг ? Нийсонца дуьстина,Ламасташ нисдинарг ! 6 Хьо йецара Нохчийчоь,хьайн Эхарт лардинарг ? Хьо децара Нохчийн къам,Уммат дог г1аттийнарг ? Хи санна цхьаъ долуш, даьхна хьо Нохчийн къам ! Малх санна ша сирла,Яхь йолу Нохчийн къам ! 7 Хьо бецара сан Дайн-Мохк,мостаг1ий кхийринарг ? Уьш къежбеш цистина,шайн ц1ийла керчийнарг ? Хьо бу И сан Дайн-Мохк ,денбала безаш берг ? Эккхабеш бода дохк ,самабала декхар берг ! 8 Нохчийчоь хьан К1ентий ,гулбеш де дог1ур ду ! Дег1аста хьан баала,д1аэккхо Де лоьхуш ! Нохчийчоь хьан К1ентий ,г1овттун Де дог1уш ду ! Маршонан вайн г1ала,Сийлаллехь шаьш йуттуш ! 9 Да виса хьан Дайн-Мохк,1унал дан суй болуш ! Хьан Нанойн До1анашна,Делера жоп долуш ! Сий долу Нохчийчоь,дуьссийла хьуна т1е ! Аллах1ан Беркаташ,йерзош хьо Шена т1е !!! Аьрсбин Абу-Бакр 27.09.15 шо :