Asunción del Paraguay - Grupo Generación

Autores: Emiliano R. Fernández - Santiago Cortesi. "Ndaikuaái ojehúva chéve, che ko'ênte sapy'a che ygue ygue rei, imposible ndavy'ái ama’ê y Paraguaýre, che resa mante ikâ ajuségui rohecha Asunción del Paraguay. Ymaitéma ku guyráicha aikove iñapytîmby iñañáva tekove che pepo anga oikytî noguahêiva cherendápe peteî ára tory che pejuva'erâ po'ápe che reru rohechami. Pero péina Ñandejára «iporâmante» he'i peteî guyraimi che rendápema ojokuái che rupívo ipepo ári chereru rohechami amano mboyve jaíre, Asunción del Paraguay. Rehendúva apurahéirô, rehendúva che ñe'ê rehendúva che pyambúrô, che rova nderehechái kóina upévare aru mbykymi ajapova'ekue purahéi ndéve guarâ Asunción del Paraguay. Ahetûma ku jazmín ahetû avei reseda ahetûma ku cedrón che py'a rupi rupi hyakuâvu Paraguay ku yvága ja'eha iporâ ndaijojahái Juan de Ayolas tapyîmi. Tomimbi mbyja ko'ê, tahyapu laurel rakâ toveve pindo rogué, leonmi tosapukái ñande sy topukavy, tomboveve iñakâhoja imembý tohovasa, Asunción del Paraguay".