⭕ កាន់តែធ្ងន់!! ថៃត្រូវជួបគ្រោះបន្ថែម៤ថ្ងៃ គ្រោះជាន់លើគ្រោះ....

⭕ កាន់តែធ្ងន់!! ថៃត្រូវជួបគ្រោះបន្ថែម៤ថ្ងៃ គ្រោះជាន់លើគ្រោះ.... ប្រទេសថៃកំពុងត្រៀមប្រឈមនឹងភ្លៀងធ្លាក់ខ្លាំងទៅខ្លាំងបំផុតមួយទៀត ចាប់ពីថ្ងៃទី ១០ ដល់ ១៣ ខែតុលា។ អាជ្ញាធរបានព្រមានប្រជាជននៅតំបន់ភាគខាងលិច ភាគខាងកើត និងភាគខាងត្បូង ឱ្យតាមដានស្ថានភាព ទឹកជំនន់ និងការរអិលបាក់ដី យ៉ាងជិតស្និទ្ធ។ ភ្លៀងត្រូវបានព្យាករណ៍ថានឹងកើនឡើងនៅតំបន់ភាគខាងត្បូង ខណៈតំបន់មួយចំនួននៅភាគឦសាន និងភាគកណ្តាល អាចជួបព្យុះភ្លៀងមួយជុំទៀត។ នៅតំបន់អាងទន្លេ ចៅព្រះយ៉ា កម្រិតទឹកកំពុងស្រកចុះ ប៉ុន្តែទំនប់ចៅព្រះយ៉ានៅតែបន្តបញ្ចេញទឹកក្នុងអត្រា ២,៥០០ ម៉ែត្រគូបក្នុងមួយវិនាទី។ ទំនប់ Pa Sak Jolasid ពេញសមត្ថភាព និងកំពុងបញ្ចេញទឹកទៅខាងក្រោម ដែលប៉ះពាល់ដល់ខេត្ត អយុធ្យា ដែលកម្រិតទឹកនៅតែខ្ពស់ ប៉ុន្តែមានស្ថិរភាព។ នៅភាគខាងកើត ទឹកជំនន់នៅ Prachin Buri កំពុងស្រកយឺតៗ ខណៈទឹកពី Kabin Buri នៅតែបន្តហូរទៅខាងក្រោម។ ស្រុកចំនួន ៨ នៅ Chachoengsao ត្រូវបានដាក់ឱ្យស្ថិតក្រោមការតាមដានយ៉ាងជិតស្និទ្ធ។ ទំនប់ Kaeng Krachan ក្នុងខេត្ត Phetchaburi ក៏ពេញសមត្ថភាព និងកំពុងបញ្ចេញទឹក ខណៈទំនប់ Vajiralongkorn មានទឹកប្រមាណ ៩៨% នៃសមត្ថភាព ហើយកំពុងបញ្ចេញទឹក ដើម្បីត្រៀមទទួលទឹកភ្លៀងដែលនឹងមកដល់។ 👉 តើស្ថានការណ៍ទឹកជំនន់នៅថៃនឹងកាន់តែធ្ងន់ធ្ងរប៉ុណ្ណា? សូមទស្សនាវីដេអូនេះរហូតដល់ចប់ ដើម្បីដឹងពីព័ត៌មានលម្អិត។ #Thailand #ThailandFlood #ThailandNews #ទឹកជំនន់ថៃ #ព័ត៌មានថៃ #ព័ត៌មានអន្តរជាតិ