Gülsərən Budayıcıoğlunun "Pəncərədəki qız" romanının video təqdimatı

Bu videoda müəllifi həm psixiatr, həm də yazıçı olan əsərin təqdimatı ilə tanış ola bilərsiniz. Romanın təqdimatını kitabxanamızın əməkdaşı Ayxan Hüseynov edir. Əsər insanı düşündürən, duyğusal və təsirli bir sevgi hekayəsindən bəhs edir. İnsanın qəlbini yandırıb-yaxan, həm sevdiyini, həm də özünü sınaqlardan keçirən bir sevgi... Lakin romanın əsas mövzularından biri yalnız ayrılığın ağrısı deyil, həm də insan ruhunda dərin izlər buraxan aldadılma hissidir. Müəllif əsərində aldadılmağın insanın daxili dünyasında yaratdığı sarsıntıları, mənəvi yaraları və həyatın insan taleyinə təsirini özünəməxsus şəkildə qələmə alır. Müəllifin yaradıcılığında real həyat hekayələri xüsusi yer tutur. Yaşanmış hadisələr bəzən təxəyyül məhsulundan daha təsirli və gözlənilməz olur. Çünki belə hekayələrin sonunu yalnız müəllif deyil, həyatın özü müəyyən edir. Təqdim olunan roman da bu baxımdan istisna deyil. Sevgi, ayrılıq, xəyanət və insanın mənəvi dünyasında baş verən dəyişikliklər əsərin əsas xəttini təşkil edir. 🎥 Kitabın təqdimatını izləyin və əsər haqqında daha ətraflı məlumat əldə edin. #KitabTəqdimatı #Kitabxana #Roman #Ədəbiyyat #Kitab #AyxanHüseynov #KitabSevərləri #Mütaliə #AzərbaycanƏdəbiyyatı