GM拍拖後首過生日獲女友打包自己作禮物 朱凱婷讚許文軒麥美恩好襯盼收喜帖

GM拍拖後首過生日獲女友打包自己作禮物 朱凱婷讚許文軒麥美恩好襯盼收喜帖 慈善騷《善心滿載仁愛堂》喺10月18號晚直播，呢日舉行記招宣布演出同司儀陣容，除左有一眾歌手演出之外，今年司儀陣容相當特別，由朱凱婷連同兩對CP《女神配對計劃》嘅真CP曾展望（GM）同葉蒨文（Sophie）、同緋聞情侶許文軒（Edmond）同麥美恩（Mayanne）一齊主持節目。 myTV SUPER重溫《女神配對計劃》 https://www.mytvsuper.com/tc/programm... GM啱啱喺記招前一日（12號）過咗佢嘅28歲生日，女友Sophie仲一早喺社交平台貼出一條送禮片，自己瞓喺床上用禮物盒笠住自己個頭，話自己係最好嘅禮物，真係閃盲大家！難怪GM甜絲絲話今年好滿意Sophie嘅安排。 Sophie強調並非打包自己做生日禮物而係另有準備，但係GM就唔想透露禮物，兩人強調「送禮片」只係為咗娛樂大家，仲歡迎大家提議GPS拍邊類型嘅情侶片，更拉埋TVB娛樂新聞台主播王鎮泉一齊參加。Sophie自認自己係一個著重儀式感嘅女友，講到兩人官宣拍拖後首過生日，佢都話仲有驚喜準備畀GM。 Mayanne同Edmond老友鬼鬼緋聞又傳咗咁耐，朱凱婷大讚兩人好襯之外，仲希望兩人收成正果，想收到佢哋嘅喜帖，不過Mayanne即拉開話題，自誇胸襟廣闊帶畀觀眾歡樂。 部分有份演出嘅歌手藝人好似周吉佩、譚輝智、張與辰、何晉樂（Rock）、黃洛妍、譚凱琪、馮皓揚、陳懿德、謝淑怡、陳曉彤、四位應屆港姐陳詠詩、施宇琪、袁文靜、李尹嫣等亦現身記招預告演出內容。 輝智同Rock呢對《愛‧回家》孖寶會有一個神秘嘅合作環節，兩人透露表演內容會相當感情，亦會邀請觀眾同仁愛堂嘅主席們一齊參與；張與辰透露獻唱以外會玩好多沉浸式嘅視覺效果，周吉佩為配合節目傳承嘅主題，會請埋自己嘅兒子上台，同合唱團一齊演出。 #善心滿載仁愛堂 #曾展望 #葉蒨文 #許文軒 #麥美恩 #朱凱婷 #周吉佩 #譚輝智 #張與辰 #何晉樂 #黃洛妍 #譚凱琪 #馮皓揚 #陳懿德 #謝淑怡 #陳曉彤 #陳詠詩 #施宇琪 #袁文靜 #李尹嫣 #GPS #官宣 #拍拖 #生日 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0