Президент Сооронбай Жээнбеков жана Президент Владимир Путин Ч.Айтматов атындагы үй-музейге барышты

Россия Федерациясынын Президенти Владимир Путиндин Кыргыз Республикасына мамлекеттик визитинин алкагында бүгүн, 28-мартта Президент Сооронбай Жээнбеков жана Президент Владимир Путин Бишкек шаарындагы Ч.Айтматов атындагы үй-музейге барышты. Президенттер жазуучунун үй-бүлөсү менен маектешти, Чынгыз Айтматовдун уулу Эльдар Айтматов аларга музей жөнүндө, атасынын өмүр жолу жана чыгармачылыгы тууралуу айтып берди. Президент Сооронбай Жээнбеков жана Президент Владимир Путин үй-музейди жана андагы экспонаттарды көрүп чыгышты, ошондой эле эстелик жазуулар Китебине өз каалоолорун жазышты.