Punjabi Kahani: Marri Moye | Malik Maher Ali | ਕਹਾਣੀ: ਮਾੜੀ ਮੋਏ

’’ماڑی موئے‘‘ ملک مہر علی ہوراں دیاں دل موہ لین والیاں کہانیاں وچوں اک کہانی ’’ماڑی موئے‘‘ وچ اوہناں اج دی رہتل تے سماج وچ ورتیندا سچ اُلیکیا اے، جتھے بندے اپنیاں مجبوریاں تے ریتاں رواجاں دے پرچھاویاں ہیٹھ جکڑے ہوئے نیں۔ پاتراں دی حیاتی بھکھ ننگ ، آساں تے خاہشاں دی ٹُٹ بھج اُتوں سماجی جکڑبندیاں دوالے گھمدیاں نیں۔ماپیاں دی بے وسی تے اولاد دی بے چینی ایس کہانی دا مرکزی خیال اے، جتھے مرضی تے حقیقت وچالے سنگھرش نظر آوندا اے۔حکیم دا کردار اک اجیہے سچ نوں ظاہر کردا اے جو کوڑاضرور اے پر حقیقت تے ٹکیا ہویا اے۔ سادہ پر استعاریاں تے پیڑ نال بھری اک ودھیا کہانی۔۔۔۔۔۔ ایس کہانی وچلیاں من کھچویاں چونویاں سچائیاں : ٭ حکیماں آلا تے ایویں آسرا ہوندا اے اصل گل تے ارادے دی اے۔ ٭ بھکھ دی اگ دا سیک واہیاں دے تاء توں بھیڑا ہوندا اے۔ ٭ آس تے آس ہوندی اے، نیں دی کھنبھ تے کھلے اوس رکھ وانگوں جس دا سایہ ہمیش پانی تے رہوے۔ ٭ ایہہ کیہو جہی وستی اے جتھے ہانی عمراں دی تھاہریں قداں نال متھے جاندے نیں۔ ٭ قد تے مرضی نال ہان متھن آلا رواج ساڈے لئی نہیں،نالے چھڈ، گھاہ تے مرضی آلی گل ہک مونہہ وچ اکٹھے نہیں ہو سنگدے۔ ٭ کدے کدے انج وی ہوندا، دھپ دی چھمک تاں اوس نوں لگدی پر نیل اوہندی ماں دیاں اکھیں وچ پے جاندے۔ ٭ سائے ہیٹھ جمن آلیاں دے قد گھٹ ای ودھدے نیں۔ ٭ جدوں کسے دی سیہان اوہندے لئی بیماری بن جاوے اودوں ایہو حال ہوندا اے۔ ٭ پک اے ایہناں توں کوئی حیلہ وی نہیں ہونا، ایس لئی جوں ماڑیاں ایہناں توں ڈھانیاں نہیں تے کھولے ایہہ چھڈ نہیں سنگدے۔ ( قمر الزمان جی دی وال توں) Music Title: Elegant Logo |    • Elegant Logo Music - Nice and Fresh Inspir...   Released by: Free Music   / fm_freemusic   Creative Commons Attribution 3.0 Unported License https://creativecommons.org/licenses/... Music promoted by https://www.chosic.com/free-music/all/