شيلة عقيد قوم مهداه لشيخ حسين خبقان الوايلي كلمات الشاعر مزيد رضيه الهاجري ادا جازع المري تصميم عزوف

يوم استوى نظمها للفكر شداده... وقامت تعدي على القمه معاليها... جزل القوافي العصر الدرب مهاده... في ليله بسعد تبرق مناشيها... مثل الجنابي اللي هي طرقت بحداده... تلمع على كل نوماس جنابيها... راح اول الليل زراعه وحصاده... معتال يا الليل صفينا مناقيها.. منقيتن جاتلك يا حسين بيراده... واسمك كتبته على عاتق لواحيها... شقحن على خدها واسمك ومش هاده... فرايدن باسمك اولها وتاليها... ما تصلح الا بمثلك صاحب السياده... واسمك هو اللي يبن خبقان يكفيها... والدله الي جزيل المدح بقناده... صوبك فناجيلها تايم نعديها... تصفلك صفه الضباط بقياده... وتعطي التحيه لقايدها تحييها... شيخ ونفسك على الطولات معتاده... هرمون دمك تغذا من مغذيها... يا حسين نفحات جودك تقل كماده... تهدي الضغط واللكمه الداويها... دكتور لكن بليه ابر وعياده... عيادتك فلتك والمجد زاهيها... شيخا خذ المرجله من كف حساده... والمرجله هاويه وحسين هاويها... من حبك الها تحط يمينك وساده... وتشلها فوق كتفك ما تمشيها... ومن اجلها محزمك مشدود شداده... وتحبها حب ابو زيدن وتغليها... والمرجله مثل علياء ما لها انداده... وانته يا بو زيد عن غيرك معديها... يا حسين كان المراجل عندك عباده... ولا رسول من الله في مساعيها... عقيد قوم يكيد الكل من كاده... وكل المراجل علا مركا راكيها... من وايله لابت التاريخ ومجاده.. قبيله سجل التاريخ ماضيها... واللي ذكرها علي بالكتب باشاده... وقالن همدان بالعليا عراويه... شيخا وسمعتك للامجاد وقاده... من نورها نقتبس ويدل ساريها... حرا ينومس هداده عين هداده... ولا يضرب الا السمينه مع على بيها... وهذا كلاما ملخص قمت باعداده... جزلت فيك المديح وجتك مهديها... يوم استوت صفه الياقوت بعقاده... صفيتها صفتن يعجبك صافيها... خلتها باسمك اللي شاعت امجاده.. تبقى على صفحه التاريخ يرويها.. الشاعر مزيد بن. رضيه. الهاجري