လူချမ်းသာတွေရဲ့ အမိုးခုံးအောက်က သွေးစုပ်ဖုတ်ကောင် လျှို့ဝှက်ချက်

ဘာလင်မြို့မှာ ကပ်ရောဂါဆိုးကြီး ပြီးသွားတဲ့နောက် ဘီနဲ့ ဖီဘီဆိုတဲ့ ညီအစ်မနှစ်ယောက် ကျန်ရစ်ခဲ့ပါတယ်။ ဒါပေမဲ့ သူတို့အနာဂတ်ဟာ လူချမ်းသာတွေရဲ့ မြေအောက်သွေးစုပ်ဖုတ်ကောင် လျှို့ဝှက်ချက်နဲ့ ချိတ်ဆက်နေမှန်း ဘယ်သူမှ မထင်ထားခဲ့ကြပါဘူး။ တစ်မြို့လုံး ဆင်းရဲသားရပ်ကွက် ဖြစ်သွားချိန်မှာ ဖီဘီဟာ ညီမလေးကို ပိုကောင်းတဲ့နေရာဆီ ခေါ်သွားဖို့ တရားမဝင်ပစ္စည်းတွေ ရောင်းပြီး ပိုက်ဆံရှာခဲ့ပါတယ်။ အဆိပ်ငွေ့ဘေးကနေ ညီမလေးကို ကယ်တင်ခဲ့ပေမဲ့ ဘီဟာ နာတာရှည်ဖျားနာသွားပြီး အစိုးရအရာရှိ လော်ရာရဲ့ မွေးစားခြင်းကို ခံခဲ့ရပါတယ်။ ၁၅ နှစ်ကြာတဲ့အခါ ဂျာမနီဟာ ပြိုကွဲသွားပြီး ဘာလင်သမ္မတနိုင်ငံက လူချမ်းသာတွေကတော့ အမိုးခုံးကြီးအောက်မှာ သန့်ရှင်းတဲ့လေထုနဲ့ နေထိုင်နေကြပါတယ်။ ဖီဘီဟာ ညီမလေးရဲ့ ဆေးကုသစရိတ်အတွက် တရားမဝင် သွေးမှောင်ခိုလုပ်ငန်းမှာ ပါဝင်ပတ်သက်ခဲ့ရပါတယ်။ ဒီသွေးမှောင်ခိုလုပ်ငန်းရဲ့ နောက်ကွယ်မှာတော့ လူသားတွေရဲ့သွေးကို သောက်သုံးပြီး အမိုးခုံးကြီးကို စွမ်းအင်ပေးနေတဲ့ သွေးစုပ်ဖုတ်ကောင်ဂိုဏ်း ရှိနေတာ ဖြစ်ပါတယ်။ ညီမဖြစ်သူ ဘီက ဒီအမှန်တရားကို စုံစမ်းဖော်ထုတ်ဖို့ ကြိုးစားရင်း အန္တရာယ်တွေနဲ့ ရင်ဆိုင်ခဲ့ရပါတယ်။ သွေးစုပ်ဖုတ်ကောင်အဖြစ် အသွင်ပြောင်းခံလိုက်ရတဲ့ ဘီဟာ နိုင်ငံရေးသမား အိုလီဗာနဲ့ ဇီနိုတို့ရဲ့ လက်ထဲမှာ ပိတ်မိသွားခဲ့ပြီး ဖီဘီကတော့ ကားလ်နဲ့ ပူးပေါင်းပြီး ငွေကျည်ဆန်တွေ ထုတ်လုပ်ကာ တိုက်ပွဲဝင်ဖို့ ပြင်ဆင်နေပါတော့တယ်။