Xanana “Saudades” Abrigu Aba-Oli Castelu Ossu

VIQUEQUE, 27 Marsu 2026—Primeiru-Ministru (PM), Kay Rala Xanana Gusmão ’saudades’ hodi vizita hikas abrigu Aba-Oli iha Veteranus Saudozu Gaspar da Silva Tavares “Miboco” ninia rezidénsia Castelu, suku Uabubo, Postu Administrativu Ossu, sesta (27/03/2026). Iha vizita ne’e família hosi saudozu Gaspar da Silva “Miboco” simu PM Xanana nakonu ho sentimentu “saudades”, konta istória no haree direta fatin ne’ebé líder rezisténsia ne’e utiliza durante períudu balun iha tempu luta nian. Deskrisaun balun kona-bá abrigu ne’e ho partisipasaun Veteranus Saudozu Miboco iha luta rezisténsia tuir períudu sira mak hanesan: Primeiru, iha períudu MILÍSIA FALINTIL forma iha Postu Administrativu Ossu, Konsellu Viqueque iha fulan Agosto tinan 1975 ho Komadante kompañia maka Moises Guterres eis segunda-liña ho Komadante Pelotaun maka Saudozu António Cadeia nu’udár treinadór kona-bá militár iha Ossu. Komandante Pelotaun ne’e haruka Saudozu Miboco bá Dili ho Komadante Pelotaun António Cadeia hodi partisipa treinamentu konjunta ho sira seluk mai-hosi munisípiu hotu-hotu iha Kompañia Taibesi Dili durante fulan ida.