Paglingap sa mga Matatandang Ministro ng INC, Balo ng Ministro, at kanilang Pamilya

Sa loob ng maraming taon, sa iba't ibang dako ng destino, buong katapatan at sigasig na tinupad ng mga ministro ng ebanghelyo ang kanilang mga tungkulin na maipangaral ang mga salita ng Diyos at mapangalagaan ang mga kapatid. Bilang patuloy na pagkilala at pagpapahalaga sa kanilang mga taon ng paglilingkod sa Diyos, namamalagi silang inaaruga ng Pamamahala ng Iglesia Ni Cristo. Sa pangunguna ng Tagapamahalang Pangkalahatan, ang Kapatid na Eduardo V. Manalo, isang aktibidad ang inihanda para sa mga matatandang ministro, mga balo ng ministro, at kanilang pamilya.