OCD-Region VI, ginsuportahan ro panawagan ni PBBM nga mag-tipon it tubi-uean

Ginsuportahan ni Office of Civil Defense (OCD) Region VI Director Raul Fernandez ro panawagan ni Pangueong Ferdinand Marcos Jr., nga mag-tipon it tubi-uean ro mga pumueuyu ag komunidad bilang pagpahaum sa ginaeauman nga epekto it Very Strong El Niño hasta sa unang katunga it 2027. Suno kay Fernandez, importanteng tikang ro pag-tipon it tubi-uean agud nga makabulig nga malikawan ro kakueangan sa suplay it tubi sa tiempo it grabeng tigmaeaea.