Episode 42: Uru-english with Naga Toastmaster President “Cecille Cambiado”

Sa episode na ini, maugma ming kaibanan an presidente kan Naga Toastmasters Club na si Cecille Cambiado tanganing tawan nin linaw kun ano nga ba talaga an Toastmasters. Pinag-ulayan mi digdi kun ano an mga eksaktong ginigibo sa laog kaini asin kun saro ba ining club, pormal na organisasyon, o sarong komunidad na nag-aantabay sa pag-asenso kan lambang myembro. Aramon kun paano an programang ini nakakatabang nin dakula sa mga Bicolano na mas magin tatao asin dae nasusupog magtaram nin English nin may hararom na kumpyansa asin fluency. Napag-ulayan man kun ano an mga pigtutugdas na pundasyon digdi para sa mga mawot na hasaon an saindang sadiri sa public speaking asin mahali an takot sa pag-atubang sa entablado o sa ibang tawo. Dugang pa kaini, pinag-istoryahan mi man kun paano an Toastmasters nakakatabang na mag-build kan saimong communication skills asin kun paano ini nahahasa an saimong leadership. Sa anong paagi ninda ini ginigibo asin paano ini makakaimpluwensya sa saimong karera? Dangugon an bilog na usipon tanganing maaraman an gabos na simbag!