АУЫЛ ШАРУАШЫЛЫҒЫНДАҒЫ БЕРЕКЕЛІ ЕҢБЕК ПЕН НАҚТЫ НӘТИЖЕ

Түлкібас ауданы – ауыл шаруашылығы өркендеген, жері құнарлы, еңбекқор елдің мекені. Аудан экономикасында егін және мал шаруашылығының алар орны ерекше. Биылғы жылдың алғашқы сегіз айында ауыл шаруашылығы саласында қомақты өнім өндіріліп, өткен жылмен салыстырғанда өсім байқалды. Бұл – жерді тиімді пайдаланып, маңдай термен еңбек етіп жүрген шаруалардың еңбегінің жемісі. Ауданда егіншілікпен қатар, алма өсіру ісі де жылдан-жылға дамып келеді. Бүгінде аудан аумағында үш мың гектардан астам алма бағы бар. Жыл сайын бұл бақтардан мол өнім жиналып, ауданның ғана емес, өңірдің жеміс-жидек нарығын қамтамасыз етуге үлес қосып келеді