समृध्द निसर्गातील कुमशेत आणि त्याचा श्रीमंत धारेराव | Kumshet | Dharerav

#चिखलघाम आणी सह्याद्री ! #kumshet #Dharerav #marathivlog #marathiyoutuber #forts #trekking #zunzarmachi प्रवासवर्णन ! आज आपण जाणार आहोत निसर्ग संपन्न आणि शांत अश्या कुमशेत आणि धारेराव मंदिराच्या परिसरात . हे अहमदनगर जिल्ह्यातील अकोले तालोक्यातील आदिवासी गाव. सभोवताली दाट जंगल, उंच सह्याद्री आणि काड्या खाली थेट कोकण ! आणि लाभलेलं निसर्गाचं अफाट देणं . हा भाग खूप सुंदर आहे. कडेला उंचच उंच डोंगर, अंगावर येणारे कडे. खळाळणारे झरे. भंडारदरा धरण, कळसुबाई आणि हरिश्चंद्रगड ही ठिकाणे जवळच. पण या जागेकडे पर्यटकांचे अजून लक्ष गेलेले नाही. म्हणून इथला निसर्ग अजूनही सुस्थितीत आहे. आडवळणावर आणि रस्त्यांची चांगली सोय नसल्यामुळे कुमशेत कडे सहसा ट्रेकर्स सोडले तर बहुधा कुणी फिरकत नाही ... आताच कुठं पावसाळा संपत आलाय, अवतीभवतीचा निसर्ग अफलातून .. भाद्रपद संपेल दोन दिवसात .... पावसाळा उत्तम झालेला, सगळा निसर्ग पाऊस पिऊन ताजातवाना आणि तृप्त झालाय .... पाऊस परतीला लागलेला त्याची अखेरची इनिंग सुरु आहे पण अखेरची असली तरी तूफान आहे .. इथला निसर्ग भलताच लहरी, कधी धुक्याची चादर तर कधी पाऊस तर क्षणात पसरणार ऊन. मी आलो तर कड्या लगतच्या धारेराव मंदिर परिसरात कोकणातून येणाऱ्या ढगांचं साम्राज्य पसरलेल ..... सगळीकडे नुसतं धुकं ... अगदी समोरचंहि दिसत नव्हतं .... समोर ओढावजा जे पाणी दिसतंय ते म्हणजे मुळेचं सुरवातीचं पात्र, त्या पल्याड धारेराव मंदिर आणि कोकण कडा. आता सगळ्या परिसरावर धुक्याचं साम्राज्य पसरलंय, कड्यावरून येणाऱ्या वाऱ्याबरोबर ढग पसरलेत, एकदम धम्माल वातावरण. timelaps घेण्याचा मोह आवरला नाही, पाण्यावरचे तरंग आणि ढगांचा खेळ पाहताना मन हरखून गेलं. तसंच पुढे निघालो तर क्षणात दरीकडून येणाऱ्या वाऱ्याने ढगांचं पांघरून बेदरकार पणे उधळून लावलं .... अक्षरशः जर कुणी सांगितलं असतं कि ५ मिनिटांपूर्वी इथे नुसतं धुकं होतं तरीही कुणाचा विश्वास बसला नसता. धुक्याचा पडदा बाजूला झाला आणि बंधाऱ्यावरून पलीकडच्या बाजूला निघालो .... हे खळाळणारं पात्र मूळेच आहे ह्या वर विश्वास बसत नव्हता. तशी मुळा हि दऱ्याखोऱ्यांतून आणि खडकातूनच वाहते, तिचा हा प्रवास सुरवातीपासूनच खडकातूनच होतो. इथला निसर्ग भलताच लहरी असतो, कधी ऊन पडलेला तर क्षणात पाऊस सुरु होतो .... पावसाचे तीन महिनेतर हा तुफान कोसळतो .. पण आज नशीब बलवत्तर होतं आणि वातावरण अगदी स्वच्छ झालं .. समोरच चार भिंतींचा आडोसा आणि वर पत्र्याचं छप्पर असलेला श्रीमंत मनाच्या आणि निसर्ग संपन्न परिसराच्या माणसांचा देव भेटला, हो देव भेटावाच लागतो तो शोधून नाही सापडत. इथला निसर्ग हाच खरा देव आमच्यासाठी. आतही मुख्यत्त्वे वाघोबांचं शिल्पच दिसलं आणि मन प्रसन्न झालं, आतही निसर्गच माणसाची पूजा स्वीकारत होता, समाधान वाटलं ... बाहेरच एक भंगलेलं शिवलिंग आणि काही शेंदूर लावलेले देव निसर्गाचं ऊन पावसाचं वरदान मुक्त कंठाने पित वर्षानुवर्षे बसलेले आहेत. समोरची झाडी पार करून गेलं कि एक मोकळं पठार लागतं, आणि त्याच्या बाजूलाच आताच जीर्णोद्धारीत धरराव महाराजांचं मंदिर दिसतं. आपण आज जाणार आहोत ते धारेराव मंदिर, हा काही देव नाही पण आज कुमशेत चे गावकरी १८२७ च्या इंग्रजांविरुद्ध उठाव करणाऱ्या धाऱ्या बाबाला ग्रामदैवत म्हणून पूजतात, असे मानतात कि धारेरावाला दैवी शक्ती प्राप्त होत्या, या धररावाने त्या वेळी ब्रिटिश सैन्यास सळो कि पळो करून सोडले होते . त्याच्या नावाने इथे यात्राही भरते. परिसर एकदम शांत, गावकरी आणि स्थानिक वगळता सहसा जास्त कुणी फिरकत नाही इथे, ... मंदिराच्या परिसरातच काही वीरगळी, एक चौथरा आणि गोल दगड इतटस्थता पडलेले दिसले. संपूर्ण परिसर हिरवागार .... आत धररावांचं दर्शन घेतलं आणि बाहेर आलो, मंदिराचा आधुनिक जीर्णोद्धार बघून मन थोडं खट्टू झालं .... बाहेर येऊन निघालो कुमशेतच्या कोकणकड्याकडे ... सह्याद्री मध्ये खुप कोकणकडे आहेत ह्या परिसरातच हरिश्चंद्राचा, घाटघरचा आणि आता हा कुमशेतचा कोकणकडा. इथून दिसणारा निसर्गपटहि भला थोरला, बाजूलाच कुमशेतचा कोंबडा, उजव्या बाजूला बसलेला आजोबा, मागे रतनगड, मुडा, गवळदेव आणि कात्राबाई . उजव्याबाजूला नाफ्ता, हरिश्चंद्रगडाचा कोकणकडा, दूरवर रोहिदास शिखर, कलाडगड आणि समोर दिसणारं विस्तीर्ण मुरबाडचा निसर्ग संपन्न प्रदेश. इथूनच उजव्याबाजूनं खाली उतरणाऱ्या घाटवाटा उंबरदार आणि त्या पुढं साधलेघाट . I wish you a wonderful day and ....... I will meet you on Instagram ►   / ran_kida   --------------------------------------------------------------------------------------------------- #maharashtra #viral #marathi #maratha #marathaempire #shivajimaharaj #shivaji #sahyadri #sahyadrimountains #trekkinglovers #trekkersofmaharashtra #waterfall #rural #akole_sangamner #bhandardara #akole #akolekar #bhandardaradam #pravasvarnan #harishchandragad #kalsubai #ratangad #katrabai #bha2pa #bhadipa #jkv #raanvata #jkvideoeffects #akolenews #wildlife #nature #naturelovers #rain #jangal #viralvideo