နိုင်ငံ ၄ နိုင်ငံမှာ နံပါတ် ၁ နေရာရောက်ရှိခဲ့တဲ့ BTS အဖွဲ့ဝင် Jung Kook

29 October 2026 BTS အဖွဲ့ဝင် Jung Kook က အာဂျင်တီးနားနိုင်ငံမှာ ဖျော်ဖြေပွဲပြုလုပ်တဲ့ နောက်ဆုံးနေ့တုန်းက X ရဲ့ ရေပန်းစားနေတဲ့ အကြောင်းအရာစာရင်းတွေမှာ အာဂျင်တီးနား၊ ပီရူး၊ ကိုလံဘီယာနဲ့ ချီလီနိုင်ငံတို့မှာ တစ်ပြိုင်နက် နံပါတ် ၁ နေရာကို ရောက်ရှိခဲ့ပါတယ်။ သူ့အကြောင်း ဆွေးနွေးမှုတွေက တောင်အမေရိကနိုင်ငံ လေးနိုင်ငံမှာ တစ်ချိန်တည်း ရေပန်းစားခဲ့တာပေါ့။ တောင်အမေရိကခရီးစဉ်အတွင်း Jung Kook က စပိန်ဘာသာစကားနဲ့လည်း ပြောဆိုခဲ့ပြီး “La recontra rompieron” ဆိုတဲ့ စကားကို အသုံးပြုခဲ့ပါသေးတယ်။ ဒီစကားဟာ တစ်ယောက်ယောက်က အရမ်းကောင်းကောင်း လုပ်နိုင်ခဲ့တယ်လို့ ပြောတဲ့အခါ သုံးတဲ့ အသုံးအနှုန်းပါ။ ဒီစကားကို ပြောခဲ့တာကြောင့် အာဂျင်တီးနားပရိသတ်တွေကြားမှာ သူ့ရဲ့ စပိန်စကားပြောပုံနဲ့ ပတ်သက်ပြီး ဆွေးနွေးမှုတွေ ရှိခဲ့သလို သူ့ကို Joaquín လို့လည်း နာမည်ပေးခေါ်ဖို့ အကြံပြုခဲ့ကြတာပေါ့။ အာဂျင်တီးနားဖျော်ဖြေပွဲမှာ Jung Kook ဟာ အာဂျင်တီးနား ဘောလုံးသမား Lionel Messi ရဲ့ နံပါတ် ၁၀ ပါတဲ့ ဘောလုံးဂျာစီကိုလည်း ဝတ်ဆင်ခဲ့ပါတယ်။ အာဂျင်တီးနားအသင်းဟာ ၂၀၂၂ ခုနှစ် ကမ္ဘာ့ဖလားပြိုင်ပွဲမှာ ဗိုလ်စွဲခဲ့ပြီး အဲဒီပြိုင်ပွဲရဲ့ ဖွင့်ပွဲမှာ Jung Kook ကလည်း သူ့ရဲ့ “Dreamers” သီချင်းကို ဖျော်ဖြေခဲ့တာပါ။ ဒါကြောင့် ဒီလိုမျိုး အာဂျင်တီးနားရဲ့ နံပါတ် ၁၀ ပါတဲ့ ဂျာစီကို ဝတ်ဆင်ခဲ့တာက ၂၀၂၂ ကမ္ဘာ့ဖလားနဲ့ ပတ်သက်တဲ့ အမှတ်တရတွေကို ပရိသတ်တွေအတွက် ပြန်ပြီးသတိရစေခဲ့တာပေါ့နော် တောင်အမေရိကခရီးစဉ်အတွင်း Jung Kook ရဲ့ ဖျော်ဖြေပွဲ၊ စပိန်စကားပြောဆိုမှုနဲ့ နံပါတ် ၁၀ ပါတဲ့ ဂျာစီဝတ်ဆင်မှုတို့ဟာ ပရိသတ်တွေကြား ဆွေးနွေးခဲ့ကြတဲ့ အကြောင်းအရာတွေ ဖြစ်ခဲ့တာပါ့။ ရုပ်သံ - Social Media , TikTok @kookienickie @kaysietam @cristihs , Instagram @agus_aires @totichemi @luuaflores #Jungkook #BTS #BTS_ARIRANG #JJK #Kpop Colors Of Dream ကို Facebook မှာလည်း ကြည့်ရှုနိုင်ပါတယ်။ Facebook - https://www.facebook.com/profile.php?...