IRYUBAHWA BY UMUYANGE LEGACY

Amajambo agize uruvyino 1. Hinge ntambe umuyange, Nikime nk'umuyange, Nkimbagire nk'irenga, Nta nkeka rirarenga, Hinge nambare inkindi,. Mpeze nimare ingimbi, Ntawakize urugamba, Adashengeye i Magamba Iyo ngoma irahuhuma Vuna isambwe iryubahwa ririmwo amahwa 2. Abatazi umuyange, Nimuje ku ruhande, Abawuzi dutambe, Intambo y'abatsinze, Itsinda ry'abahungu, N'abarondo b'ubuntu, Baratamba nk'inyange, Ku mariba y'inyambo, Iyo ngoma irahuhuma Vuna isambwe iryubahwa ririmwo amahwa 3. Mbega yemwe ni bande, Bene inanga n'ibanga, Bene ihanga rigorwa, rikazira kugoka, Ryayobeye abahigi, Be n'intozo umuroyo, Inzogera ziyaga Amacumu aca ibigango Iyo ngoma irahuhuma Vuna isambwe iryubahwa ririmwo amahwa 4. Sama data muyange, Abakunzi tukwumve, N'ayo abanka umuyange, Bibure bawutinye, Agasato k'imbwebwe, Kambarwa bagatinya, Ntawisasira urwaga, Aba aguye mu kaga Iyo ngoma irahuhuma Vuna isambwe iryubahwa ririmwo amahwa 5. Bingagira nk'itimbi, Ucacanye nk'urucaca, Uwaguteze agaca, Bwakeye acura intimba, Ka karima nk'intati, Katigera kabagarwa, Ibiteza n'urwiri, Bikanyoha turaba, Iyo ngoma irahuhuma Vuna isambwe iryubahwa ririmwo amahwa 6. Shinga igaba muyange, Wiyegeke akaranga, Akaranga k'Uburundi, Kazingamye utaraza, Uwo Imana yahaye, Yamugize Umuyange, Iryo banga ni ikindi, Banga ingata rishore, Iyo ngoma irahuhuma Vuna isambwe iryubahwa ririmwo amahwa 7. Akarangamuyange, Koyaga abagenya uburo, Uwarambiwe atashe, Uwarambije akumva, Hinge nsezere ngende, N'agahwane bakunzi, Muhorane urukundo, Ubuntu n'akaranga. Iyo ngoma irahuhuma Vuna isambwe iryubahwa ririmwo amahwa Uruvyino IRYUBAHWA ruri mu mudiho w'ubusambiri utambwa cane mu ntara y'Ubuyogoma. Umwanditsi: Mwěnimâna Umudihamudiho: DIAMANTAH Umurimbanyamashusho: VYANYUMA SCHADRACK INGEYO: UMUYANGE LEGACY