ថៃជួបគ្រោះធ្ងន់៖ អានុទីន ត្រៀមកញ្ចប់លុយសង្គ្រោះប្រជាជនថៃ៣០លានគ្រួសារ

ក្តៅៗ! លោក អានុទីន ចុះផ្ទាល់ដល់តំបន់រងគ្រោះទឹកជំនន់ធ្ងន់ធ្ងរ៖ បញ្ជាទ័ព និងអាជ្ញាធរពន្លឿនការបូមទឹក និងប្រកាសកញ្ចប់ធានារ៉ាប់រងគ្រោះមហន្តរាយជូនប្រជាពលរដ្ឋ ៣០លានគ្រួសារ! (ភ្នំពេញ)៖ នាយករដ្ឋមន្ត្រីថៃ លោក អានុទីន ឆានវីរ៉ាកុល បានចុះសួរសុខទុក្ខ និងចែកកញ្ចប់ជំនួយសង្គ្រោះបន្ទាន់ជូនប្រជាពលរដ្ឋរងគ្រោះដោយទឹកជំនន់នៅវត្ត Ban Kaeng ខេត្តនគរសួគ៌ កាលពីថ្ងៃសៅរ៍ ទី ០៣ ខែតុលា ឆ្នាំ ២០២៦ នេះ ដោយបានចេញបទបញ្ជាម៉ឺងម៉ាត់ឱ្យគ្រប់ស្ថាប័នពាក់ព័ន្ធពន្លឿនការសង្គ្រោះ ការគ្រប់គ្រងទឹក និងការវាយតម្លៃការខូចខាតជាប្រញាប់។ ជាមួយគ្នានេះ លោកនាយករដ្ឋមន្ត្រីបានប្រកាសលាតត្រដាងពី «ផែនការធានារ៉ាប់រងគ្រោះមហន្តរាយរបស់រដ្ឋាភិបាល» ដែលគ្របដណ្តប់លើប្រជាពលរដ្ឋរហូតដល់ ៣០ លានគ្រួសារនៅទូទាំងប្រទេស ចាប់ពីថ្ងៃទី ០១ ខែតុលា ឆ្នាំ ២០២៦ ដល់ថ្ងៃទី ៣០ ខែកញ្ញា ឆ្នាំ ២០២៧ ដោយផ្តល់ថវិការហូតដល់ ១០០,០០០ បាតសម្រាប់ផ្ទះសម្បែងខូចខាត, ១០,០០០ បាតសម្រាប់ផ្ទះដែលត្រូវទឹកលិចលើសពី ៧ ថ្ងៃ និង ២ លានបាតក្នុងមួយម្នាក់ចំពោះករណីបាត់បង់ជីវិត។