წარმოშობით გურჯაანელი გმირი ,რომელმაც თვითმფრინავი ჩამოვარდნისგან იხსნა

თვითმფრინავზე მომხდარი ინციდენტი, რომლის ერთ-ერთი მთავარი გმირი ქართველი ებრაელი, წარმოშობით გურჯაანელი, შოთა მუსაევია. საქმე ეხება Fly Dubai-ის რეისს, რომელიც დუბაიდან თელ-ავივის მიმართულებით მიფრინავდა და 30 სექტემბერს ბორტზე მომხდარი ინციდენტის შემდეგ საუდის არაბეთში იძულებით დაეშვა. ინციდენტის დროს მეორე პილოტმა კაპიტანს დანა დაარტყა და თვითმფრინავის კონტროლის ხელში ჩაგდებას ცდილობდა. მგზავრებმა და ეკიპაჟის წევრებმა თავდამსხმელის შეჩერება შეძლეს. მათ შორის განსაკუთრებული სიმამაცე გამოიჩინა ექიმმა სტომატოლოგმა შოთა მუსაევმა. დღესვე გავრცელდა ინფორმაცია , რომ მას ისრაელის პრეზიდენტი სამოქალაქო გმირობისთვის საპრეზიდენტო ჯილდოზე წარადგენს. შოთა მუსაევი გურჯაანში დაიბადა და გაიზარდა,აქ დაამთავრა გიმნაზია. მუსაევების ოჯახი ისრაელში გადასვლამდე გურჯაანში ცხოვრობდა.აქაურებს ბევრი თბილი მოგონება აქვთ მასზე.