«Спид Стар» киинэ: уһулуу түгэннэрэ, интэриэһинэй чахчылар

СӨ баһылыгын бирииһигэр үс төгүл чөмпүйүөннээбит аатырбыт Спид Стар диэн сүүрүк ат туһунан уус-уран киинэ кулун тутар 27 күнүттэн киэҥ экраҥҥа тахсан көрөөччү биһирэбилин ылла. Муус устар 8 күнүнээҕи туругунан, киинэ киллэрбит үбэ 19 мөл солкуобайы куоһарда. Спортивнай драма айыллан тахсыытын, түөрэм туйахтааҕы кытта үлэни, саха кинематографиятыгар бу киинэ туох суолталааҕын хартыына генеральнай продюсера Степан Порядин Улус.Медиаҕа кэпсээтэ.