PLAKA Episode 270 (Oktubre 17, 2026) : Gabi ni Ruben Tagalog

Dalawang oras ng pakikinig sa mga naisaplakang musika/kanta na likhang Filipino sa mga naunang dekada (40, 50, 60, 70) ng masiglang industriya ng pagsasaplaka sa Filipinas. Tampok ang mga balitaw, dansa, kundiman, polka, at iba pang anyo ng musika ng mundo na naisa-Filipino at nasa mga plakang 78 , 33, at 45; bahagi ngayon ng koleksiyon ni Dr. Michael M. Coroza ng Ateneo de Manila. Katuwang sa pakikinig ng plaka sina Gng. Sonia M. Roco, Gng. Jeanette Job Coroza, Dr. Georgina R. Encanto, at Prof. Felipe M. de Leon Jr. Sumasahimpapawid din ang programang ito sa Radyo Magasin 1278 Khz ng Presidential Broadcast Service ng Bureau of Broadcast tuwing araw ng Linggo, ika-5:00 ng hapon hanggang ika- 7:00 ng gabi. Tampok sa episode na ito ang mga piling naisaplakang awit (78 rpm) ni Ruben Tagalog, na ang ika-104 kaarawan ay ngayon mismo, Oktubre 17.