افراح الجلال المنشد فهد المسيعيد الشاعر خلف المهدي بمناسبه زواج بطي مطيلق البطي الجلال

كلما هب الشمال وهيفت شمس العشية تستهل أفكار راسي كنها وبل الغمامة إن بغيت أغلى الجواهر غصت غبات عصية أسبح ابحر الشعر لو زاد موجه وارتطامه من يقول اني على مدح الكفو بي عنصرية ما احترم وجهة نظره ولا اتشرف باحترامه ط إن زعل من كلمتي زعلة سنام من طمية مايضايقني زعله ولا سألته وش علامه أمدح الطيب ولا أحب الذي به عنجهية لا مدحته كني معلق على صدري وسامه لجل عين اللي له بداخل خفوقي قابليه العزيز الغالي اللي عالي عندي مقامه والله إني لا أبذل المجهود له من طيب نية لين راع الكيف تضرب وسطى كفه في ابهامه يوم كلمني مطيلق قلت أنا أرحب يالله حيه ياهلا باللي كسب بالمرجلة تاج الزعامة الكريم أبو فهد يالله عسى أيامه مدية صاحب الوجه البشوش اللي عليه الابتسامه طيب يمناه دايم من معاريفه نديه يالله اتمم عليه العافية بأكمل تمامه ذا ولد ذرب اليمين اللي علومه حاتميه راعي الجيرة بطي يالله عسى الجنة مقامه القطين ليا نزل كلن تباشر في مجيه ميزه ربي بالاخلاق الكريمة وبكلامه البطي من عاش معهم ينسى ربعه والدنية كل منهم يكرمك وتشوف طيبه واهتمامه لابة على فعول الطيب فيهم مقدرية من يقاصرهم يحشمونه ولا يشوف الملامة من خيار أخوان سلمى للصديق بهم حمية جعلهم في خير وصحة وتوفيق وسلامه قومهم خير العرب بالفزعة وبالمرحمية الجلال أهل الصخى وأهل السطر وأهل الشهامة طيور شلوى يعجبونك بالفعل والنار حية لا شبك عود بعود تخضع لهم كل هامة ياهلا وكل الهلا يامرحبا وأحلى تحية بالحضور اعداد ماناحت على الغصن الحمامة حيكم يا ضيوفنا على الشحم ﺚوالشاذلية كل واحد يستحق انسوق لحضأوره ذكرامه ألعبوا شية في حفءقسل بطي عسى أيامه بفرحة مستدامه ألف مبروك الزواج وياعسى أيامك هنية واتمنى يابطى لك دايم طيب الإقامة يا الله إنك تسعده يارب يا جزل العطية وتجعل أيامه توافيق وسعادة وابتسامه كلمات / خلف مطلق المهدي