Allahu është i butë… A je edhe ti? - Hoxhë: Xhemal Jakupi

Ky hadith transmetohet nga Abdullah ibn Mughaffel (رضي الله عنه), një prej sahabëve të devotshëm që jetoi pranë të Dërguarit të Allahut ﷺ, e ndoqi me dashuri dhe e ruajti me kujdes çdo fjalë të tij. "Vërtet, Allahu është i butë dhe e do butësinë. Dhe Ai jep për butësinë atë që nuk e jep për ashpërsinë… Abdullah ibn Mughaffel nuk ishte një njeri i zakonshëm. Ai mori pjesë në një prej betimeve më të mëdha të historisë islame: Bej’atu’r-Ridwan, betimi nën pemë, ku sahabët u betuan për besnikëri ndaj Profetit ﷺ, dhe për të qëndruar me të deri në fund. Për këtë betim, Allahu zbriti një ajet në Kur’an: Allahu është i kënaqur me ata besimtarë, kur t’u betuan për besnikëri nën hijen e pemës. Ai e dinte se ç’kishte në zemrat e tyre, prandaj u dha atyre qetësi dhe i shpërbleu me një fitore të afërt (Kuran, 48:18) Çfarë nderi… Të përmendesh nga Allahu në mënyrë të drejtpërdrejtë si i kënaqur me ty. Kjo ishte grada e Abdullah ibn Mughaffel. Le të jetë ky hadith një kujtesë: Në çdo veprim, në çdo fjalë, në çdo marrëdhënie — zgjidh butësinë. Sepse Allahu është i butë… dhe i do të butët.