മൻശഉൽ ഉലമ ദർസ് | മൻശഈസ് മീറ്റ് VEDIO THEME SONG |

💐💐 *മുലാഖാത്ത്*💐💐 മൂന്നരപ്പതിറ്റാണ്ടു കാലത്തെ മത-വൈജ്ഞാനിക സേവനത്തിലൂടെ നേടിയെടുത്ത ആയിരക്കണക്കിന് മൻശഇകളാൽ സമ്പന്നമാണ് തഹ്താനി ഉസ്താദിന്റെ ശിഷ്യകുടുംബം. മതരംഗത്ത് പ്രവർത്തിക്കുന്നവരും അല്ലാത്തവരുമായി അനേകമാളുകൾ.. പലകാലങ്ങളിൽ പലദേശങ്ങളിൽ പഠിച്ചവർ.. പഠിച്ചും പറഞ്ഞും പങ്കുവെച്ചും മറക്കാനാവാത്ത നാളുകൾ ജീവിതത്തിനു സമ്മാനിച്ച പ്രിയ കൂട്ടുകാർ.. എല്ലാം മൻശഈ കുടുംബത്തിലെ ജ്യേഷ്ഠാനുജ സഹോദരന്മാർ.. തിരു ഗുരുനാഥരുടെ ശ്രേഷ്ഠ സന്നിധിയിൽ ഒത്തുചേരുകയാണൊരിക്കൽ കൂടി നാം.. തഹ്താനി ഉസ്താദിന്റ ദർസിനെ ഏറെ സ്നേഹിച്ചവരും ദർസിന്റ ആദ്യകാല വളർച്ചയിൽ മുഖ്യ പങ്ക് വഹിച്ചവരുമാണ് ഇരുമ്പാലശ്ശേരി ദേശക്കാർ. അതുകൊണ്ടുതന്നെ, ഈ നാടുമായുള്ള ആത്മബന്ധം മൻശഇകൾക്ക് വിലപ്പെട്ടതാണ്. ആയതിനാൽ ഇരുമ്പാലശ്ശേരിയിലെ മാതാപിതാക്കളെയും സഹോദര-സഹോദരിമാരെയും വിശിഷ്യാ മരണപ്പെട്ടുപോയ മുൻഗാമികളെയും നമ്മുടെ പ്രാർത്ഥനയിൽ ഒരിക്കലും മറന്നുകൂടാ.. അതുകൊണ്ടാണ് സംഗമത്തിന്റെ ഭാഗമായി ഉച്ചക്ക് 2:30ന് ‘*മജ്മഉൽ അഹിബ്ബാ*’ എന്ന പേരിൽ ഉദ്ബോധന-പ്രാർത്ഥനാ സദസ്സ് ഒരുക്കിയിട്ടുള്ളത്. ഇരുമ്പാലശ്ശേരിയിലെ നല്ലവരായ ഉമ്മ-പെങ്ങന്മാരും രക്ഷിതാക്കളും ചോറൂട്ടി വളർത്തിയ മൻശഈ വിദ്യാർഥികളും പണ്ഡിതന്മാരും നാട്ടുകാരും ഒരുമിക്കുന്ന ഈ ‘*മജ്മഉൽ അഹിബ്ബാ*’ അവിസ്മരണീയമാകുമെന്ന് തീർച്ച. കൂട്ടു കുടുംബങ്ങളെ നാട്ടിലും വീട്ടിലും തനിച്ചാക്കി അല്ലാഹുവിന്റെ വിളിക്ക് ഉത്തരം ചെയ്ത് ഖബ്ർ ജീവിതത്തിലേക്ക് നീങ്ങിയ ഉമ്മ പെങ്ങന്മാർക്കും രക്ഷിതാക്കൾക്കുമുള്ള തഹ്താനി ഉസ്താദിന്റെ സമാപന കൂട്ടു പ്രാർത്ഥന ‘മജ്മഉൽ അഹിബ്ബാ’യിലെ പ്രധാന ഭാഗമാണ്. മരിച്ചവർക്കു വേണ്ടിയുള്ള ഈ പ്രാർത്ഥനാ സദസ്സടക്കം ഉച്ചക്ക് 2.30 മുതൽ നടക്കുന്ന ‘മജ്മഉൽ അഹിബ്ബാ’ യിലെ വിവിധ പരിപാടികളിൽ സംഗമിക്കാൻ ഇരുമ്പാലശ്ശേരിയിലെയും പരിസര പ്രദേശങ്ങളിലെയും മുഴുവൻ ജനങ്ങളെയും അഭ്യുദയകാംഷികളെയും ഏറെ സ്നേഹത്തോടെ ക്ഷണിക്കുന്നു.