कळंबमध्ये श्री गजानन महाराज पालखी सोहळ्याला भक्तांचा उत्स्फूर्त प्रतिसाद; जयघोषात शहर भक्तिमय

#गजानन_महाराज #दिंडी2026 #gajananmaharajshegaon कळंबमध्ये श्री गजानन महाराज पालखी सोहळ्याला भक्तांचा उत्स्फूर्त प्रतिसाद; जयघोषात शहर भक्तिमय कळंब | प्रतिनिधी संतश्रेष्ठ श्री गजानन महाराजांच्या पालखीचे कळंब शहरात आगमन होताच संपूर्ण परिसर भक्तिमय वातावरणाने दुमदुमून गेला. भगवे ध्वज, टाळ-मृदंगाचा गजर, "गण गण गणात बोते"च्या जयघोषात शेकडो वारकरी आणि भाविकांनी पालखी सोहळ्यात उत्साहाने सहभाग नोंदविला. शहरातील प्रमुख मार्गांवरून पालखीची मिरवणूक काढण्यात आली. पांढरा पारंपरिक पोशाख परिधान केलेले वारकरी भगवे ध्वज हातात घेऊन शिस्तबद्ध पद्धतीने पालखीसोबत चालत होते. ठिकठिकाणी भाविकांनी पालखीचे दर्शन घेत पुष्पवृष्टी केली. महिलांसह लहान मुले, युवक आणि ज्येष्ठ नागरिकांनीही मोठ्या संख्येने उपस्थिती लावून सोहळ्याचे दर्शन घेतले. फुलांनी आकर्षक सजविलेल्या पालखीत श्री गजानन महाराजांच्या पादुकांचे दर्शन घेण्यासाठी भाविकांनी मोठी गर्दी केली. भक्तिभाव, शिस्त आणि उत्साह यांचा संगम असलेल्या या सोहळ्यामुळे कळंब शहरातील वातावरण दिवसभर भक्तिरसात न्हाऊन निघाले.