"Siyasi məhbuslara azadlıq, çara ölüm": Rusiyada Putinə qarşı KÜTLƏVİ ETİRAZ

#Kanal13abuneol​ #LikeKanal13News​ #Subscribe #Kanal13TV Əziz izləyicilərimiz! Biz sizin SƏSİNİZ OLMAQ üçün AZADLIĞIMIZI itirdik. Rəhbərimiz Əziz Orucov hələ də həbsdədir. Bizə DƏSTƏK olun, ABUNƏMİZ OLUN:    / @kanal13x   Moskvada Rusiya Dövlət Dumasının binası qarşısında Kommunist Partiyasının təşkil etdiyi yürüş zamanı 20-yə yaxın iştirakçı saxlanılıb. Aksiyada siyasi repressiyalara, hakimiyyətə və şəxsən Rusiya Prezidenti Vladimir Putinə qarşı şüarlar səsləndirilib. Yayılan görüntülərdə aksiya iştirakçılarının “Çar devrilsin!”, “Biz azadlıq istəyirik!”, “Roskomnadzora yox!”, “Siyasi repressiyalara yox!”, “Siyasi məhbuslara azadlıq!” və “Fırıldaqçılar və oğrular partiyası rədd olsun!” kimi şüarlar səsləndirdiyi görünür. Yürüş başlamazdan əvvəl iştirakçılar “Unutmayacağıq, bağışlamayacağıq!” və “Xalqa azadlıq!” şüarlarını da səsləndiriblər. Aksiya zamanı polis müdaxiləsi başlayıb. Məlumata görə, meydana beş polis maşını və bir patrul avtomobili gətirilib. Təhlükəsizlik qüvvələri yürüş irəlilədikcə iştirakçıları bir-bir saxlayıb. Yayılan başqa görüntülərdə təxminən 20 nəfərin “Ayıb olsun!” səsləri altında polis maşınlarına aparıldığı görünür. Digər görüntülərdə isə saxlanılanların “Çar devrilsin!” şüarları səsləndirdiyi eşidilir. Bir qadın saxlanılanlara müdaxilə etməyə çalışarkən polis əməkdaşları ona ərazidən uzaqlaşmağı tələb edib. Məlumata görə, saxlanılan təxminən 20 nəfər Krasnopresnenski rayon polis şöbəsinə aparılıb. Aksiyanın hakimiyyət tərəfindən razılaşdırıldığı bildirilir. Yürüş 1993-cü ildə Rusiya parlament binasının atəşə tutulmasının ildönümünə həsr olunub. İştirakçılar əvvəlcə Krasnopresnenskaya Zastava meydanında toplaşıb, daha sonra binanın həlak olmuş müdafiəçilərinin xatirəsinə ucaldılmış abidəyə doğru hərəkət ediblər. Tədbirə qatılanların sayına dair müxtəlif rəqəmlər səsləndirilib – bəzi məlumatlarda yüzlərlə, bəzilərində isə bir neçə min nəfərin iştirak etdiyi bildirilir. Rusiyada siyasi etirazlarla bağlı həbslər bununla məhdudlaşmır. Daha əvvəl Ali Məhkəmənin qarşısında “Yabloko” partiyasının Dövlət Dumasına seçkilərdə namizədlər siyahısından çıxarılmasına etiraz etdiyi məhkəmə iclası zamanı 70-dən çox insan saxlanılmışdı. Rusiyada yanacaq böhranı da dərinləşir Bu arada Rusiyada parlament seçkilərindən cəmi bir neçə gün sonra yanacaq böhranının daha da kəskinləşdiyi bildirilir. Ölkə sakinləri artıq “üçüncü dalğa”dan danışmağa başlayıblar. Mütəxəssislərin daha əvvəl irəli sürdüyü, Kremlın seçkilər dövründə ehtiyatlardan istifadə etməklə yanacaq qıtlığını süni şəkildə yumşaltdığı barədə iddialar da yenidən gündəmə gəlib. Səsvermənin nəticələri açıqlanandan dərhal sonra Rusiyanın bir sıra bölgələrində yanacaqdoldurma məntəqələrində benzin qıtlığı yaranıb. Rusiya sakinləri sosial şəbəkələrdə yanacaq almağın demək olar ki, mümkünsüz hala gəldiyindən şikayət edirlər. Benzin əsasən özəl yanacaqdoldurma məntəqələrində tapılır. Lakin burada qiymətlər iri yanacaqdoldurma şəbəkələrindəkindən iki və daha çox dəfə yüksəkdir. Yanacaq almaq üçün rusiyalılar kilometrlərlə uzanan növbələrdə gecələməyə məcbur qalırlar. Bir neçə saat növbədə gözlədikdən sonra isə avtomobilində yanacaq tükənənlərin bir qismi əliboş evə qayıdır. Böhran fonunda yanacaq alverçilərinin də fəallaşdığı bildirilir. Onlar növbəsiz benzin təklif etsələr də, yanacağı əhaliyə olduqca yüksək qiymətə satırlar. Rusiyada avtomobil qazının qiyməti də kəskin artıb. Məlumata görə, cəmi bir neçə həftə əvvəl bir kubmetr qazın qiyməti 35 rubl olduğu halda, seçkilərdən sonra bu rəqəm 60 rubla yüksəlib. https://bit.ly/2V19Fdy - Kanal13 GLOBAL ▌▌►Website: http://kanal13.info Click & Subscribe to the main YouTube Channel – Kanal13 Global:    / @kanal13az   © KANAL13 Tags: _#Ukraine, #Russia, #Putin, #Putler, #Russian invasion of Ukraine, #Zelenski, #Kiev, #Kyiv, #Kadyrovarmy, #Kadirov, #Kherson, #Bucha, #Kharkiv, #Ukrainian pilots, #Vagners, #Russiantanks, #NATO, #drones, #Moscow, #Kreml, #warvictims #Ukrayna, #Zelensky, #Trupm, #DonaldTrump, #savaş, #Qarabağ, #Bakı