Axşam saatlarında paytaxtda niyə avtobus tapılmır?

Avtovağzal dayanacaqlarındakı səhnənin tam əksi bütün şəhər boyu müşahidə olunur. Belə ki, paytaxtda axşam saatlarında avtobus çatışmazlığı adi hala çevrilməkdədir. Metronun bağlanması fonunda pik saatlarında yaşanan tıxac, axşamlar isə avtobusların işləməməsi sərnişinlərin əsəblərini tarıma çəkir, vətəndaşı saatlarla yolda qoyur. Vəziyyəti yerində öyrənmək üçün 4 fərqli məkanda müşahidə aparmağı qərara aldıq. Saat 9 radələrində 20 Yanvar dairəsində M5 ekspress xətinin sərnişinlərini 1 manatlıq taksilər belə çatdırıb daşıya bilmirdi. Ən çox narazılıq yaranan xətlərdən biri də Biləcəri qəsəbəsinə işləyən 91 saylı marşrut xətti olsa da, sürücü şikayətləri təkzib edir. Koroğlu metrosunun qarşısında isə ümid milli avtostopa, yəni şəxsi avtomobilləri ilə qəsəbələrə gedən sürücülərə qalır. Eyni hal qəsəbələrdən mərkəzə doğru da müşahidə olunur - Şağan və Mərdəkanda Sual olunur: niyə metro işləmədiyi halda gecə saatlarında avtobus tapmaq olmur? Bakı Nəqliyyat Agentliyinin mətbuat katibi Mais Ağayev sərnişindaşımanın pandemiya qaydalarına uyğun aparıldığını bildirir. Deməli, indi ümid metronun tezliklə açılmasına qalır... Elgiz Nəbili, Zamiq Aslanov, Rüfət Əliyev İTV Xəbər