بێرمینگھام: مامۆستا عه‌لی باپیر له‌گه‌ڵ كوردستانیانی ئه‌وشاره‌ كۆده‌بێته‌وه‌

بێرمینگھام: مامۆستا عه‌لی باپیر له‌گه‌ڵ كوردستانیانی ئه‌وشاره‌ كۆده‌بێته‌وه‌ له‌چوارچێوه‌ی چالاكییه‌كانییدا بۆ به‌ریتانیا، ئه‌مڕۆ پێنجشه‌ممه‌ 10/6/2021 له‌شاری (بێرمینگھام)و له‌مزگه‌وتی (ڕووناكیی) كۆڕێك بۆ مامۆستا عه‌لی باپیر سه‌رۆكی كۆمه‌ڵی دادگه‌ری ئاماده‌كراو وتارێكی پێشكه‌ش كرد به‌ناو و نیشانی: (ئه‌ركه‌ گرنگه‌كانی كوردانی تاراوگه‌). مامۆستا عه‌لی باپیر له‌چه‌ند خاڵێكدا ئه‌ركه‌ گرنگه‌كانی كوردانی له‌ تاراوگه‌ خسته‌ڕوو و ڕایگه‌یاند: ئێمه‌ مادام خۆمان به‌مسوڵمان ده‌زانین پێویسته‌ هه‌وڵ بده‌ین نێوه‌ڕۆكمان له‌قه‌ده‌ر ناومان بێ‌و، كردارو گوفتارمان وه‌ك یه‌ك بن‌و، مامۆستا عه‌لی باپیر هانیشی دان كه‌ خۆتان له ئیشی ڕه‌ش بپارێزن‌و پابه‌ندی یاساو ڕێساكانی ئه‌م وڵاته‌بن‌و به‌هیچ شێوه‌یه‌ك ڕه‌وانیه‌ فرت‌و فێڵ له‌ حكوومه‌ت‌و ئه‌م وڵاته‌ بكه‌ن. له‌ته‌وه‌رێكی دیكه‌ی وته‌كه‌یدا سه‌رۆكی كۆمه‌ل گوتیشی: پێویسته‌ كوردانی تاراوگه‌ حه‌ق‌و مافی لێره‌بوون بده‌ن به‌وه‌ی كه‌ ده‌ست بگرن به‌داب‌و نه‌ریته‌ كورده‌وارییه‌كان‌و، له‌كاری ڕۆژانه‌شیان نموونه‌یه‌كی جوان پیشان بده‌ن. هاوكات مامۆستا عه‌لی باپیر له‌ڕووی په‌روه‌رده‌ییه‌وه‌ گوتی: پێویسته‌ كه‌مته‌رخه‌م نه‌بن به‌رانبه‌ر ماڵ‌و منداڵه‌كانتان‌و وریایان بن‌و كاتیان بۆ ته‌رخان بكه‌ن‌و گرنگیی به‌ عه‌قڵ‌و دڵیان بده‌ن‌و حه‌واڵه‌ی كۆمه‌ڵگای ئێره‌ی نه‌كه‌ن. هه‌روه‌ها سه‌رۆكی كۆمه‌ڵ گوتیشی: ته‌بایی‌و هاوكاریی نێوخۆشتان بپارێزن دوور له‌ده‌مارگیریی حیزبایه‌تیی‌و هاوكارو ده‌ستبارگری یه‌كتریی بن. له‌كۆتایی كۆڕه‌كه‌شدا ئاماده‌بوان ژماره‌یه‌ك پرسیاریی جۆراو جۆریان له‌ مامۆستا عه‌لی باپیر كرد، یه‌كێك له‌پرسیاره‌كان كه‌ ئایا په‌كه‌كه‌ تیرۆرسته‌ له‌وه‌ڵامدا مامۆستا عه‌لی باپیر گوتی: كاتی خۆی له‌توركیا پێیان گوتم: ده‌بێ په‌كه‌كه‌ به‌تیرۆرست بناسێنن، منیش گوتم پێناسه‌ی تیرۆر به‌سه‌ر په‌كه‌كه‌دا ناچه‌سپێ‌ له‌به‌ر ئه‌وه‌ی له‌گه‌ڵ وڵاتی توركیا شه‌ڕ ده‌كات، چونكه‌ په‌كه‌كه‌ دیفاع له‌ ماف‌و مه‌زڵوومه‌یتی میلله‌تێك ده‌كات، با حكوومه‌ت مافه‌كه‌ی لێ زه‌وت نه‌كات ئه‌ویش ناچارنابێ له‌به‌رانبه‌ر حكوومه‌تدا به‌هێز بوه‌ستێ. لاپه‌ڕه‌ی تایبه‌تی مامۆستا عه‌لی باپیر سەرۆکی كۆمه‌ڵی دادگەریی كوردستان   / alibapir   ڕاگه‌یاندنی مه‌كته‌بی مامۆستا عەلی باپـیر   / mediaameerof.  . پێگه‌ی تایبه‌تی مامۆستا عه‌لی باپیر www.alibapir.net لاپه‌ڕه‌ی تایبه‌تی مامۆستا عه‌لی باپیر له‌ ئه‌رشیفی كتێب https://archive.org/details/@alibapir... ده‌توانن خۆتان جۆینی گروپی مامۆستا عه‌لی باپیر بکەن له‌ هه‌رسێك: (ڤایبه‌ر + واتس ئاپ + تلگرام) لەم گروپەدا راستەوخۆ و خێراتر بابەت و زانیاریی جۆراو جۆرت پێده‌گات: ڤایبه‌ر: Join عەلی باپیر/ Ali Bapir https://invite.viber.com/?g2=AQASYNl5... on Viber واتس ئاپ: https://chat.whatsapp.com/L59Z7ht7lFW... تلگرام: https://t.me/Alibapir19 ئه‌پلی كه‌یشن بۆ هه‌ردووك سیسته‌می: (Android) و (IOS. Android https://play.google.com/store/apps/de... IOS https://apps.apple.com/us/app/ali-bap...