TVB 體育世界 - 港籃主場 2017 EP8 - 羅文光

體育世界 - 港籃主場 2017 EP8 #名人堂: 羅文光 近一、兩年因為工作可能喺甲一賽場上無以往咁搶鏡，但其實羅文光一直都係港隊人選。Undersized 但仍然能勝任大前鋒，全面兼實而不華，最難得係忠誠度十足，出度至今效力飛鷹十四年，Respect。 #非慣用手罰球挑戰 上集搵咗劉凱濤用左手射罰球，今次自己都手痕玩吓，知道阿光本身鍾意用左右手，咁就一齊射吓啦 hehe :)。最後符碌贏咗，唔好話阿光心諗唔 __ 係啩，我自己都係。 #快問快答 我諗好多人唔知道阿光舅父係著名體育評述員徐家樂，好難得喺床下底搵到呢位前輩自己打甲一同旁述自己打波嘅片段，真係好珍貴，更難得嘅係阿光張家輝上身，佢之後講嗰句雖然出唔到街，但係乜大家應該倒轉都識背出黎，最正就係佢嘅反應。 #每周精選: 最後重溫兩場甲一聯賽： 飛鷹 對 東方龍獅 標準福建 對 南華 飛鷹同福建雖然輸波，但都打得唔錯啊，尤其係飛鷹，半場仲領先對手，史葛大爆發拎甲一生涯最高嘅42分添。 #羅文光 #港籃主場 #支持香港籃球