Kundi Meadows Kaghan | 11000 Ft Ka Jannat Jaisa Meadow & Shingar Peak Ka Hairan Kun Safar

Kundi Meadows Kaghan Valley meri ab tak dekhi gai sab se khoobsurat aur favourite meadows mein se aik hai. Is safar ka aaghaz Kaghan Rajwal se hota hai jahan se taqreeban 5 ghantay ki thaka dene wali charhai ke baad hum 11000 foot buland Kundi Meadows tak pohanchay. Kundi Meadows ki sab se khaas baat iska waseeh sabz-o-shadab maidan, be-hisaab behne wala pani, June ke khoobsurat flowers aur background mein Shingar Peak hai jise Kundi Mountain bhi kaha jata hai. Shingar Peak ke glaciers aur waseeh sabz meadow ka manzar waqai dil ko choo lene wala hai. Isi meadow ke upar aik hairan kar dene wala purana graveyard bhi dekhne ko milta hai. Kundi Meadows se taqreeban 2 ghantay ka mazeed trek kar ke hum Seh Meadows Kaghan pohanchay jahan choti si nadi aur dilkash dhilwanon par mushtamil sabz maidan is jagah ko mazeed khoobsurat banate hain. Is vlog mein aap ko Kundi Meadows aur Seh Meadows tak pohanchne ka rasta, mushkil charhai, hamari trekking ki mushkilat, khoobsurat waterfalls, pani ke manazir, flowers, glaciers aur Kaghan Valley ke behtareen natural views dekhne ko milenge. Agar aap Pakistan ke hidden meadows, trekking aur unexplored mountain destinations explore karna pasand karte hain to ye safar zaroor dekhein.