DEPORTIVO - CELTA, Segunda División 1986-87. Play-Off de Ascenso, Xornada 8. Partido completo.

A época 1986-87 na Segunda División disputouse baixo un novidoso formato, que incluía un "play-off" entre os doce primeiros clasificados para decidir os tres equipos ascendidos á Primeira División. Á oitava xornada do play-off chegaban Deportivo e Celta no medio dun ambiente bastante caldeado. Un polémico aceno co que o alcalde da Coruña, Paco Vázquez, reaccionou a un gol do Dépor no enfrontamento de liga regular na cidade herculina, sumado ó moito que había en xogo, resultaron nun choque onde predominou o exceso de tensión.