Said Achtouk - lHub iH gan Didd 🌹👌

Rays Said achtouk – lHub iH gan Didd ⵔⴰⵢⵙ ⵙⵄⵉⴷ ⴰⵛⵜⵓⴽ / ⵍⵃⵓⴱ ⵉⵃ ⴳⴰⵏ ⴹⵉⴷⴷ ⵡⴰⵏⵏⴰ ⵉⵃⵓⴱⴱⴰ ⵢⴰⵏ ⵉⴼⴼⵓⵖ ⴰⵔⵜⵏ ⵙⵉⴳⴳⵉⵍⵏ ⴰⵔ ⴰⵙ ⵉⵙⴽⵔⵀⵓ ⵜⴰⵔⵡⴰ ⵡⴰⵍⴰ ⵍⵡⴰⵍⵉⴷⴰⵢⵏ ⵍⵃⵓⴱⴱ ⵉⵃ ⴳⴰⵏ ⴹⵉⴷⴷ ⵔⴰⴽⴽ ⴱⴷⵓⵏ ⴷ ⴰⵢⴷⴷⴰⵔⴽ ⵓⵔ ⴰⴷ ⴰⴽⴷ ⵉⵜⵜⴳⵉⵣ ⵉⵟⵟⵙ ⵍⵇⴰⵍⴱ ⵏⴽ ⵀⵓⵡⵍⵏ ⴽⵓⴷⵏⵏⴰ ⵜⴳⵏⵜ ⵉⵜⵜⵔⵙ ⴰⴽⴷ ⵓⴽⴰⵏ ⵃ ⵎⵏⵉⴷ ⵏⴽ ⴰⵔ ⴰⴽ ⵉⵙⴽⴰⵔ ⵍⵃⴰⵍ ⵉⵙ ⵓⴽⴰⵏ ⴷⵉⴽ ⵉⴳⴳⴰⵡⵔ ⴽⵓⴷⵏⵏⴰ ⴷ ⵉⴼⴰⵇ ⵉⵛⵄⵍ ⴹⵓⵡ ⵢⵉⵡⵔⵔⵉⴷ ⵉⴳⴰⵡⵔ ⵓⴽⴰⵏ ⵉⴽⵛⵎⵜ ⵍⵅⵓⴼ ⵉⴼⵍⵜ ⵎⵙⴽⵉⵏ ⵍⵄⴰⵇⵍ ⵉⵏⵉⴷ ⵓⵛⴽⴰⵏ ⴰⴽⴽⴰ ⵚⴱⵔⵏ ⵓⵔⴰ ⵢⴰⴼ ⴷⵡⴰ ⵏⵙ ⵉⵎⵟⵟⴰⵡⵏ ⵓⵔ ⴰⵡⵏ ⵄⴷⵍⵏ ⵉⵃ ⵉⵍⵍⴰ ⵍⵄⴷⵓ ⵏⴽ ⵉⵛⵇⵇⴰ ⵍⵃⵓⴱ ⵉⵃ ⴰⴽ ⵏⵉⵜ ⵉⴹⵔ ⴼ ⴳⴰⵔ ⵉⴷⴰⵎⵎⵏ ⴰⵔ ⵉⵜⵜⴰⵏⴼ ⴰⵔ ⴰⴽ ⵉⵜⵜⴰⵏⴼ ⴰⵔ ⴰⴽ ⵉⵙⴽⴰⵔ ⴹⵉⴷⴷ ⵎⵏⵉⴷ ⵏⴽ ⵉⵛⵇⵇⴰ ⵍⵅⵍⵇ ⵍⵍⵉ ⴼ ⵜⵔⴱⵉⵜ ⵜⴰⵙⴰ ⵃⵓⴱⵓⵏⴽ ⵉⵎⵉⵍ ⵉⴳⴳⵔⵓⴷ ⵍⴼⵉⵔⴰⵇ ⵉⴼⵍⴽⵯⵏ ⵉ ⵍⵖⵯⴱⴰⵢⵏ ⵜⴰⵙⵓⵙ ⴽⵓⵍⵍⵓ ⵚⴰⵃⵜ ⵏⵏⵓⵏ ⴰⵔ ⴽⴰ ⵜⵜⴰⴷⴷⵓⵎⵜ ⵓⴽⴰⵏ ⴰⵔ ⵀⵍⵍⵉ ⵜⵎⴷⴷⵓⵜ ⵣⵓⴷ ⵓⴽⴰⵏ ⵍⵀⵉⵏⵜ ⵡⴰⵏⵏⴰⴽ ⵉⵥⵔⴰⵏ ⵉⵏⵏⴰ ⵖⵯⴰⴷ ⵉⵛⵛⴰ ⵉⵖⴰⵔⴷⵎⵉⵡⵏ ⵓⵔ ⵉⵙⵙⵉⵏ ⵎⴰⵏⵉⴽ ⴰ ⵉⴳⴰ ⵢⴰⵏ ⵉⴼⵍ ⵓⵎⴷⴷⴰⴽⵯⵍ ⵢⵓⴼ ⴰⵡ, ⴰⵜⵜⵛⵛⵉⵎ ⴰⵍⴳⵎⴰⴹ ⴷ ⵎⵏⵉⴷ ⵏⵙ ⵓⵔⴰⴷⴷ ⴰⴽⴽⵯⵏ ⵡⴰⵍⵍⵉ ⵜⵃⵓⴱⴱⴰⵏ ⵃ ⵍⵇⵍⴱ ⵏⴽ ⵓⵍⵍⴰⵀ ⴰⵔ ⵏⵉⵜ ⵓⵏⵏⵉⵃ ⴰⵢⵢⵓⵔ ⴰⵔ ⵖⵉⴷ ⵉⴳⴳⴰⵡⵔ ⵉⵍⵓⵍⴰ ⵃ ⵡⴰⴽⴰⵍ ⵉⵙⵙⴼⴰⵡ ⵉⵍⵓⵃⴷ ⵉⵣⵏⵣⴰⵔⵏ ⴽⵓⵢⴰⵏ ⵖⵉⵍ ⵉⵏⵏⴰⵢⴽ ⵉⵙ ⵍⵍⴰⵏ ⵃ ⵎⵏⵉⴷ ⵏⵙ ⴽⵓⴷⵏⵏⴰ ⵉⵔⵓⵃ ⵓⴽⴰⵏ ⵉⴼⵍ ⴳⵉⵙ ⵜⴰⵎⴰⴹⵓⵏⵜ ⴰⵏⵏ ⵓⴽⴰⵏ ⴳⵉⵙ ⵏⵍⵓⵃ ⴰⵙⵎⵎⴰⵇⵇⵍ ⵉⵏⵓ ⴰⴷⴷⵓⵎⵃ ⵎⵍⴰⴷⴷ ⵉⵙ ⴽⴰ ⴳⵉⵃ ⵉⵜⵔⵉ ⴰⴷ ⵉⵍⵉⵃ ⵃ ⵊⵊⵏⴱ ⵏⵙ ⵉⵇⵇⴰⴷⴷⴰ ⵓⴽⴰⵏ ⵉⵃ ⴰⴽⴰ ⴳⵉⴽ ⵏⵙⵙⵡⴰ ⵉⵥⵔⵉ ⵏⵓ ⵡⴰⵍⴰⵢⵏⵏⵉ ⵃⴰⵇⵇⴰⵏ ⵉⵙ ⵉⴽⵓⴼⵔ ⵍⵇⵍⴱ ⵏⴽ ⵎⵇⵇⴰⵔ ⴰ ⵓⴽⴰⵏ ⴰⵍⵍⴰⵃ ⴰⵎⵟⵟⴰ ⵉⵏⵓ ⵓⵔⴽ ⵀⵓⵍⵏ ⵉⵃ ⵓⴽⴰⵏ ⴳⵉⴽ ⵍⵀⴰⵡⴰ ⵜⵃⵏⵏⵓⵜ ⵙ ⵍⵇⵍⴱ ⵏⴽ ⵉⵎⵉⴽⴽ ⵓⵡⵙⴰⴼⴰⵔ ⵍⵍⵃⵓⴱ ⵉⵍⵍⴰ ⵉⵢⵢⵉⵏ ⵃ ⴷⴰⵔⴽ ⵜⵓⴼ ⵍⵎⵓⵜ ⵜⵓⴷⵔⵜ ⵉ ⵍⵃⵍⵇ ⵉⵃ ⵏⵉⵜ ⵉⵀⵓⵍ ⵉⵃⵏⵏ ⵉⵥⵔⴰ ⵡⴰⵍⵍⵉ ⵉⵔⴰ ⵃ ⵉⴼⴰⵙⵙⵏ ⵍⵄⴷⵓ ⵏⵙ ⵓⵔ ⵓⴼⵉⵏ ⴰⵙⵔⵙ ⵉⵙⴰⵡⵍ ⵓⵍⴰ ⴰⴷⴷ ⴳⵉⵙ ⵉⴱⵔⵔⵎ ⵓⴽⴰⵏ ⵉⴽⵜⵉⴷ ⴰⵢⵍⵍⵉ ⵣⵣⵔⵉⵏ ⵉⴱⴱⵉ ⵊⵊⵀⴷ ⵏⵙ ⵍⵃⵓⴱ ⵓⵔ ⵙⵓⵍ ⵉⵍⵍⴰ ⵡⵉⵏ ⵟⵎⵄ ⴽⴰ ⵉⵥⵥⵉⵍⵏ ⵡⴰⵏⵏⴰ ⵢⴽ ⵉⵜⵜⵉⵏⵉⵏ ⵀⴰⵏⵏ ⴱⵍⵉⵃ ⵙ ⵍⵃⵓⴱ ⵏⴽ ⵍⵄⴰⵇⵍ ⵏⵙ ⵓⵔⵏⵏ ⵉⵍⵍⴰ ⵎⵏⴷⵓⵏ ⵃ ⵍⵊⵉⴱ ⵏⴽ ⵉⵃⵏⵏ ⵉⵣⵔⴰ ⵎⴰⴷ ⴰⵙ ⵜⴰⴽⴽⴰⵜ ⵉⴽⵛⵎ ⵊⵊⵏⴱ ⵏⴽ ⵉⵃⵏⵏ ⵓⵔ ⵢⵓⴼⴰ ⵢⴰⵜ ⵓⵔⵔⴰⵏⵏ ⴰⴽⴽⵯ ⴳⵉⴽ ⵉⴱⵔⵔⵎ ⴽⴰⴷⴰ ⵏ ⵢⴰⵏ ⴰⴷⴷ ⵏⵎⵓⵏ ⵙ ⵏⵏⵉⵢⵜ ⵏⵃⵓⴱⴱⵓⵜⵏ ⴽⵓⵍⵍ ⵎⴰ ⵉⵔⴰ ⵃ ⵍⵅⴰⵟⵔ ⵏⵙⵔⵙ ⴰⵙⵜⵉⴷ ⵃ ⴷⴰⵔⵙ ⵓⴽⴰⵏ ⵏⴹⴼⵓⵔ ⵍⵖⵔⴹ ⵏⵙ ⴰⴷ ⴰⵙ ⴽⴰ ⵓⵔ ⵀⵍⴽⵏ ⵉⵃⵏⵏ ⵉⵥⵔⴰ ⵡⵉⵢⵢⴰⴹ ⵓⵔⵔⴰⴷⴷ ⴰⴽⴽ ⴳⵉⵃ ⵉⴱⵔⵔⵎ ⵓⵍⴰ ⴰⵢⵢⵉⵙ ⵢⴰⵏ ⴰⴽ ⵉⵏⵏⴰⵏ ⵏⵉⵡⵉ ⴰⵊⴷⴰⵄ ⵎⵣⵣⵉⵏ ⵉⵔⴰⴷ ⴰⴽ ⵏⵉⵜ ⵏⵎⵍ ⵎⴰⵢⵙ ⵉⴳⴰⵏ ⵍⵄⵉⴱ ⵏⵙ ⵉⵃ ⵉⴷⴷⴰ ⴰⵔⴷ ⵉⴽⴽ ⴰⴼⵓⵙ ⵏ ⵉⴷⵍⵍⴰⵍⵏ ⵓⵔ ⵄⴷⵉⵍⵏ ⵎⵇⵇⴰⵔ ⴰⵙ ⵜⴰⴽⴽⴰⵜ ⵔⴱⵉⵄ ⵡⴰⵍⴰ ⵍⵄⵍⴼ ⵉⴳⴳⵓⵜⵏ ⵡⴰⵍⵍⵉ ⵉⵣⵡⴰⵔⵏ ⵙ ⵔⴽⴰⴱ ⵓⵔ ⵉⴼⴼⵖ ⵍⵇⵍⴱ ⵏⵙ ⵓⵍⴰ ⴰⵢⵢⵉⵙ ⵢⴰⵏ ⴰⴽ ⵉⵏⵏⴰⵏ ⵏⵉⵡⵉ ⴰⵊⴷⴰⵄ ⵎⵣⵣⵉⵏ ⵡⴰⵏⵏⴰ ⵉⵔⴰ ⴰⴷ ⵙⵖⵉⵏ ⵢⴰⵡⵉⴷ ⴰⵊⴷⴰⵄ ⵎⵣⵣⵉⵏ ⴰⵔⵏⵏ ⵉⵙⵎⵎⵙⵙⵓ ⵔⵉⵃ ⴰⵣⵣⴰⵔ ⵏⵙ ⵉⵃⵜ ⵖⵉⵔⵏ ⵜⵍⴽⵎ ⵜⴳⵓⴹⵉ ⵡⴰⵍⵍⵉⴷ ⵢⵉⵡⵉⵏ ⵜⴰⵙⵔⴷⵓⵏⵜ ⵉⵃ ⴰⵙ ⵉⵏⵣⵍ ⵜⵓⵜⵜ ⵍⵄⵜⵔⵜ ⵉⴹⵔⵏⵏ ⴼ ⵉⴳⵏⵣⵉ ⵏⵙ ⵉⴹⵔⵏⵏ ⵓⵛⵡⴰⵔⵉ ⴷ ⵓⵃⵍⴰⵙ ⵔⵥⵉⵏ ⵃ ⵉⵖⵣⴷⵉⵙⵏ ⵓⵔ ⴰⴽ ⵏⵙⵎⵉⵃ ⴰ ⵢⴰⵃⴱⵉⴱ ⵍⵄⴰⵇⵍ ⵉⴷⴷⴰ ⴷⴰⵔⴽ ⴹⵉⵢⵉⴹ ⴰⵔⴽⵯⵏ ⵙⵉⴳⴳⵉⵍⵃ ⴰⵣⴰⵍ ⴰⵔⴽⵯⵏ ⵙⵉⴳⴳⵉⵍⵃ ⵜⴱⴹⵉⵜ ⴰⵃ ⴷ ⵍⵡⴰⵍⵉⴷⴰⵢⵏ ⵏⴼⴼⵓⵖ ⵜⴰⵎⴰⵣⵉⵔⵜ ⵓⴽⴰⵏ ⵉⵇⵇⴰⵔ ⵍⵇⵍⴱ ⵏⴽ ⵍⴽⵓⴼⵔ ⵓⵔ ⵄⴷⵉⵍⵏ ⵓⵔⵊⵊⵓ ⵏ ⴰⵃ ⴰⵍⵍⴰⵃ ⴰ ⵉⵍⵍⵉⵃ ⵉⵡⵉⵃ ⵜⴰⵎⴰⴹⵓⵏⵜ ⴰⵢⵍⵍⵉⵃ ⵏⵥⵔⴰ ⴰⵢⵢⵉⵙ ⵓⵎⵍⵉⵍ ⵉⵍⴰ ⵙⵙⵍⴰⵃ ⵉⴷⵔⴽⵏ ⵢⵉⵍⵉⴽ ⴰ ⵙⵙⵍⴰⵃ ⵓⵡⵓⵔⵖ ⵉⵖⵯⵉⵜ ⵓⵎⵏⴰⵢ ⵉⵀⵔⵛⵏ ⴰⵔ ⴰⵍⵍⴰⵃ ⴰ ⵉⵍⵍⵉⵃ ⴷ ⵉⵍⵓⵃ ⵉⵥⵔⵉ ⵙ ⵉⴷⴰⵎⵎⵏ ⴰⵃ ⴰ ⵢⴰⵊⴷⴰⵄ ⵉⴼⵓⵍⴽⵉⵏ ⵔⴱⴱⵉ ⴰⴽⴽⵯⵏ ⵉⵙⵙⵖⵯⴱⴰⵏ ⵎⴰⴼ ⵓⵔ ⵜⵔⵥⵉⵎ ⵍⴳⵉⵢⴰⴷ ⵜⵙⵙⵓⴽⴼⵎ ⵜⴰⴳⵓⵙⵜ ⵜⴷⴷⵓⵎ ⴷⴰⵔ ⵓⵄⵛⵛⴰⵇ ⵉⴰⵏ ⵜⴰⴳⴰⴷⴷⴰ ⵏⴽ ⴰⵙⵙⵔⴽ ⵉⵜⵜⵎⵓⵔⵔⵓⵢ ⴰⵔ ⵙⵔⴽ ⵉⵜⵜⴽⴽⴰ ⵉⵇⴱⵉⵍⵏ ⴰⵃ ⴰ ⵎⴰ ⴳⴳⵉⵡⵏⵜ ⵉⵙⵡⴰⵏ ⴰ ⵟⴰⴱⵍⴰ ⵏ ⵍⵄⴰⵎⵍ ⴰⵜⴰⵢ ⴰⵛⴽⵓ ⵏⵜⵜⴰⵏ ⴽⴰⴼ ⴽⵓⵍⵍⵓ ⴱⵏⴰ ⵉⵇⴱⵉⵍⵏ ⵍⵎⵄⵏⴰ ⵏ ⵡⴰⵡⴰⵍ ⴰⴼ ⵏⵉⵜ ⵏⵙⴰⵡⵍ ⴰ ⵉⴼⵀⵉⵎⵏ ⵉⵎⵎⴰ ⵟⴰⴱⵍⴰ ⵏ ⵎⵄⴰⵎⵍ ⴰⵜⴰⵢ ⵏⵙⵏⵜ ⵙⵡⵉⵃⵜ ⵓⵔⴰⴷ ⵉⵜⵜⵣⴰⵢⴰⴷ ⴰⵎⵢⴰ ⵃ ⵜⴰⵎⵉⵎⵜ ⵎⴳⴰⴷⴷⴰⵏⵜ ⵖⴰⵙⵙ ⵍⵍⵉ ⵃⴷ ⵏⴽⴽⴰ ⵎⴰⵙⵙⵜ ⴰⴷⴷ ⵉⵡⵉⵃ ⵜⴰⵎⴰⴹⵓⵏⵜ ⵏⵓⴼⴰⵏⵏ ⵢⴰⵏ ⵓⵣⵏⴽⵯⴷ ⵃ ⵉⵎⵉ ⵏ ⵢⴰⵏ ⵍⵄⵉⵏ ⵉⴳⴳⴰⵡⵔ ⴰⵔ ⵉⵍⵍⴰ ⵓⴹⴰⵔ ⵉⵍⵍⴰ ⵓⴼⵓⵙ ⴰⵃ ⴰ ⵉⵎⵉ ⴰⴷⴷⴰⵔⵙ ⴰⴷ ⴰⵃ ⵉⵙⵜⵔ ⵔⴱⴱⵉ ⵍⵅⴰⵜⵎ ⵏⵙ ⴳⴰⵏ ⵜⴰⴳⴰⴷⴷⴰ ⵏⵙ ⵉⵍⵍⵉⵃ ⵉⵏ ⴽⴰ ⵏⵙⵙⴰⵖ ⵉⴳⵔ ⵙⵔⵙ ⵙ ⵉⵇⵇⵏⴹⴰⵔⵏ ⵉⵃⵢⵣ ⵉⴳⵔ ⵍⵍⵉ ⵉⵏⵓ ⵏⴳⴰⵙ ⵜⴰⵖⵓⵍ ⵉⴼⵔⴳ ⵉⴳⴳⵉ ⵏⵙ ⴰⵔ ⴰⵙ ⵏⵜⵜⵔⵔⴰ ⵍⴰⴽⵙⴰⴱ ⴰⵙⵔⵙⵏ ⵓⵔ ⵣⴳⴰⵔⵏ ⵏⵓⵜ ⵉⵖⵍⴰⴷ ⵃⵉⴷ ⵏⴳⴰⵙ ⴰⴽⴽⵯ ⵜⴰⴱⵓⵣⵉⵜ ⵢⵉⵡⵉⴷ ⵔⴱⴱⵉ ⴰⵏⵥⴰⵔ ⴽⵜⵓⴱⵔ ⴰⵡⵉⵃ ⵉⵙ ⵜⴰⵢⵢⵓⴳⴰ ⵉⵏⵓ ⵢⴰⴽⵯⵉⴷ ⴼⵍⵍⴰ ⵢⴰⵏ ⵉⵏⵏⴰ ⴰⵎⵥ ⴰⵎⵓⴷ ⵏⴽ ⵢⵉⵡⵉ ⵉⵢⵢⵉ ⵙ ⴷⴰⵔ ⵛⵛⵔⵄ ⵉⵏⵏⴰ ⵉⵢⵢⵉ ⴰⵎⵥ ⴰⵎⵓⴷ ⵏⴽ ⵢⵓⵔⵔⵉⴷ ⵓⴹⴰⵔ ⵉⵏⵓ ⴷ ⵓⴼⵓⵙ ⴰⵔ ⴽⴰ ⵜⵜⵏⴷⴰⵎⵏ ⵉⵜⵎⵎⴰ ⵢⴽ ⵍⵄⵉⵛ ⴰ ⵉⵎⵉ ⵉⵏⵓ ⵖⴰⵢⵔ ⴰⵜⵜⴰⵣⵓⵎⵜ ⴰⵊⵊⴰⵜ ⴰⵏⵃ ⴰⵏⴳⴳⵉⵡⵔ ⵉⵎⵎⴰ ⵍⵓⵇⵜ ⵓⵔ ⵄⴷⵍⵏⵜ ⵜⴳⴳⵓⵜ ⵍⵃⴰⵙⴰⴷⴰ ⵃ ⵎⴷⴷⵏ ⵍⴽⵓⴼⵔ ⴰ ⵉⴳⴳⵓⵜⵏ ⵡⴰⵏⵏⴰⴽ ⵉⵥⵔⴰⵏ ⵔⴰⵜⵜⵏ ⵜⴰⴼⵜ ⵍⵀⵓⵏ ⵃ ⵍⵄⵉⴱ ⵏⴽ ⵡⴰⵏⵏⴰⵜ ⴳⵉⴽ ⵉⵙⴰⵇⵇⵙⴰⵏ ⵉⵏⵏⴰ ⵢⴰⵙ ⵓⵔ ⵄⴷⵉⵍⵏ ⵖⵣⵏ ⴰⴳⵯⴹⵉ ⵙ ⵓⴼⵓⵙ ⵏⵙ ⴰⴷ ⴰⴽ ⵙⵔⵙ ⵣⵡⵓⵔⵏ ⴰⴽⴽ ⵓⴽⴰⵏ ⵙⵔⵙ ⵉⵙⵙⵓⴳⴳⵣ ⵉⴽⴽⵉⵙ ⴰⴽ ⵉⵣⵉⴽⵔ ⵢⵓⵔⵔⵉⴷ ⵉⵙⴰⵍⴰ ⵔⵛⵓⵇ ⴰⵊⵊⵉⵏⴽ ⵉ ⵍⵖⵯⴱⴰⵢⵏ ⵡⴰⵍⴰⵢⵏⵏⵉ ⵔⴱⴱⵉ ⴰⴷⴷ ⵉⵜⵜⴰⵙⵉⵏ ⵍⵃⴰⵇⵇ ⵃ ⵉⵎⵖⴷⴰⵔⵏ ⵡⴰⵏⵏⴰ ⵢⴰⴽ ⵉⵏⵏⴰⵏ ⵉⵟⵟⴰⴼ ⴳⵉⴳⴰⵏ ⴷ ⴰⵎⴷⴷⴰⴽⴽⵯⵍ ⴰⵙⵙ ⵏⵏⴰ ⵃ ⵔⴰⵜⵜⵏ ⴽⵎⵎⵍⵏ ⵔⴰⴷ ⴰⴽⵙ ⵎⵍⵃ ⴷⴷⵡⴰ ⵏⵙ ⴰⴽⴽ ⵓⴽⴰⵏ ⵢⴰⵖ ⴽⵔⴰ ⵍⵖⵔⴹ ⵉⴼⴼⵓⵖ ⴷ ⵎⵏⵉⴷ ⵏⴽ ⴱⵔⵔⵓⵏ ⴳⵉⵡⵏ ⵜⴰⵔⵡⴰ ⴱⵔⵔⵓⵏ ⵍⵡⴰⵍⵉⴷⴰⵢⵏ ⵍⵍⴰⵀ ⴰ ⵉⵏⵉ ⵔⴰⴽⴽ ⵉⵙⵙⵏ ⵎⵏⴷⵓ ⵏ ⵍⵊⵉⴱ ⵏⴽ ⵢⵓⵔⴰ ⵉⵡⴰⵍⵉⵡⵏ ⵉⵙⴳⵉⴷⴷⵉⵜⵜ : Mohamed Ouadi رايس سعيد اشتوك / لحوب ئح كًان ضّيدّ وانّا ئحوبّا يان ئفّوغ ارتن سيكًّيلن ار اس ئسكرهو تاروا والا لواليداين لحوب ئح كًان ضّيدّ راكّ بضون د ايدّارك ؤراد اكد ئتّكًّيز ئطّس لقالب نك هولن كودنّا تكًنت ئتّرس اكد ؤكان ح منيد نك ار اك ئسكار لحال ئس ؤكان ديك ئكًّاور كودنّا د ئفاق ئشعل ضّوّ ييورّيد ئكًاور ؤكان ئكشمت لخوف ئفلت مسكين لعاقل ئنيد ؤشكان اكّا صبرن ؤرا يّاف دّوا نس ئمطّاون ؤر أون عدلن ئح ئلاّ لعدو نك ئشقّا لحوبّ ئح اك نيت ئضر ف كًار ئدامّن ار ئتّانف ار اك ئتّانف ار اك ئسكار ضّيدّ منيد نك ئشقّا لخلق لّي ف تربّيت تاسا حوبّونك ئميل ئكًّرود لفيراق ئفلكُن ئي لغُباين تاسوس كولّو صّاحت نّون اركا تّادّومت ؤكان ار هلّي تمدّوت زود ؤكان لهينت وانّاك ئزران ئنّا غوّاد ئشّا ئغاردميون ؤر ئسّين مانيك ايكًا يان ئفل ؤمدّاكل يوف اون اتّشّيم الكًماض د منيد نس ؤرادّ اكُّن ئفل والّي تحوبّان ح لقلب نك ؤللّه ارنيت ؤنّيح ايّور ار غيد ئكًّاور ئلولا ح واكال ئسفّاو ئلوحد ئزنزارن كويان غيل ئنّايك ئس لاّن ح منيد نس كودنّا ئروح ؤكان ئفل كًيس تاماضونت انّ ؤكان كًيس نلوح اسمّاقل ئنو ادّومح ملادّ ئس كا كًيح ئتري اد ئليح ح جّنب نك . القصيدة الكاملة على الرابط التالي :    / @mohamedouadi   يورا ئواليون ئسكًيدّيت : محمد وادي 16.02.2025 الحي المحمدي ، اكادير المغرب