✨足本訪問：Kiri T獻唱🎤遇突發狀況執生力強 淡定與歌迷互動 解釋自嘲「可唔可以唔好再出啲冇人聽嘅英文歌」原因🤣Kacey與胞妹Kaelyn同爭新人獎🏆指對方得獎等於自己贏｜Viu1現場實況

✨足本訪問：Kiri T獻唱🎤遇突發狀況執生力強 淡定與歌迷互動🙆🏻‍♀️解釋自嘲「可唔可以唔好再出啲冇人聽嘅英文歌」原因🤣Kacey與胞妹Kaelyn同爭新人獎🏆指對方得獎等於自己贏｜Viu1現場實況 Kiri T謝曉盈今日同師妹Kacey陳凱琪出席喺圓方舉行嘅《MOOV 20 Music Station》，Kiri T唱完《藍剔未必是壞習慣》，再唱《真的不是故意的》時遇音響失靈，佢淡定執生即同歌迷互動，之後重頭再唱亦好有水準，好叻女！而Kacey就獻唱《用眼淚欺騙眼淚》，表現亦輕鬆自然！ 事後Kiri T話雖然音響無啦啦冇聲，但有機會同fans傾偈都幾好，佢第一次遇到呢啲突發情況，覺得幾得意！至於以師姐身份帶Kacey出嚟見人，Kiri T形容自己都係好易緊張嘅人，會教師妹試吓擁抱呢啲緊張，唔好諗太多喎！ Kiri T今日淨係唱廣東歌冇唱英文歌，講返之前佢喺網上出post自嘲「Kiri T可唔可以唔好再出啲冇人聽嘅英文歌」，佢解釋只係講笑，做英文歌只為娛樂自己，但嚟緊佢英、粵兩種語言嘅歌都會出，下一首就係廣東歌！問到都係同門嘅陳康堤最近疑似情變，Kiri T話大家私底下唔會特別傾感情事，人哋冇講唔會特別問！ 早前Kiri T幫洪嘉豪拍MV做女主角，佢話全因首歌係自己做監製，可以拍埋MV都幾開心，講講吓連Kacey都話幾鍾意拍MV，就算時間好長但個經驗係好好玩，學到好多嘢喎！喺大馬成長、母語係英文嘅Kacey話，而家都開始慣用廣東話同大家溝通，但返到屋企同阿妹Kaelyn都係講返英文！阿妹都已簽約唱片公司，Kacey話喺屋企唔傾工作，雖然兩姊妹都係今年樂壇新人，但唔會有競爭同比較嘅心，如果阿妹攞到新人獎，佢會覺得自己都贏咗，作為家姐一定都會支持阿妹咁話！快啲睇足本訪問啦！ #KiriT #謝曉盈 #Kacey #陳凱琪 #藍剔未必是壞習慣 #真的不是故意的 #用眼淚欺騙眼淚 #現場實況 #Viu1娛樂新聞 #Viu1煲劇平台 #Viu1 #Viu 記得Subscribe Viu1HK嘅YouTube Channel，Follow埋IG、Threads同Facebook page呀👇🏻 _____________________________________________________ ►訂閱 Viu1HK YouTube Channel: https://bit.ly/3lYFNLW ►追蹤 Viu1HK Instagram:   / viu1hk   ►追蹤 Viu1HK Threads: https://www.threads.com/@viu1hk ►讚好 Viu1HK Facebook page:   / viu1hk   ►觀看更多精彩內容：https://www.viu.com