Президент Қазақстан армиясын халықаралық тәжірибеге сай қайта құруды жүктеді

Маңғыстауда оқу-жаттығу кезінде қаза тапқан әскери қызметшілер қажетті жабдықтармен қамтамасыз етілмеген. Яғни, теңізде жаттығу өткізген сарбаздарда тіпті құтқару кеудешелері де болмаған. Демек, бейбіт күнде опат болған әскерилердің қазасына генералдардың салғырттығы себеп деді Қасым-Жомарт Тоқаев. Мемлекет басшысының пайымынша, офицерлердің кәсіби біліктігі төмен. Сондықтан шұғыл әскери реформа әзірлеуді тапсырды. Ашық теңізде оқу-жаттығу жиынын өткізген әскерилер ең қажетті деген құрал-жабдықтармен қамтылмаған. Қарапайым құтқару кеудешелері болмаған. Бұл туралы президент Қасым-Жомарт Тоқаевтың өзі айтты. Әрі жауапкершілік тікелей ісіне салғырт қараған офицерлерде деді мемлекет басшысы. Біз пікір сұраған сарапшылар да «сарбаз үшін командирі жауапты» деп отыр. Вице-адмирал Жандарбек Жанұзақов реформаны автоматтандырудан бастаған жөн екенін жеткізді. ЖАНДАРБЕК ЖАНҰЗАҚОВ, әскери-теңіз күштерінің бұрынғы бас қолбасшысы Меніңше, ұшқышсыз теңіз күштерін дамыту керек. Бұл тек ұшатын аппараттарға ғана қатысты емес. Яғни, қайық, катер, суасты роботтарына да көңіл бөлген абзал. Қазір әлемдегі шиеленістерді көріп отырмыз. Демек, бейімделіп, заманына сай озық технологияларды қолдану қажет. Сол кезде аз күшпен үлкен істі, бастысы сапалы етіп орындауға болады. Әрине, үлкен тұжырымдама, ауқымды реформа керек. Ал, халық қаһарманы Бақытжан Ертаев реформа қажет екен деп, жасай салуға болмайды дейді. Себебі, өзгеріс заманның талабына ғана емес, қоғамның сұранысына жауап беруі шарт. Ол үшін отан алдындағы борышты өтеудің сыйлы, мәртебелі іс екенін бойға сіңіру керек. Сондай-ақ мектептерде әскери дайындық сабақтарының дұрыс өткізілуін қадағалаған абзал. БАҚЫТЖАН ЕРТАЕВ, халық қаһарманы: Бүкіл елге «Міне, осындай програмамыз бар, қалай қарайсыңдар» деп сұрау керек. Ел, мүмкін ата-анасы, мүмкін баласы қосады, аннан қосады, балалардың өздері қосады. Соны жинап, содан кейін оны талқылап, содан кейін «міне, осының қайсысына қол қоясыңдар» деп. Мынау біріншіні қабыл алайық, тоғызыншыны қабыл ал, мысалы. Президент Қазақстан армиясы өткен ғасырда қалып қойғанын ашық айтты. Сол үшін қолбасшылық жүйені халықаралық тәжірибеге сай қайта құруды жүктеді. Айта кетейік, мемлекет басшысының Жарлығымен әскери борышын атқару кезінде қаза тапқан әскери қызметшілер ІІ және ІІІ дәрежелі «Айбын» орденімен марапатталды. Ал ем қабылдап жатқан сарбаздар «Ерлігі үшін» медалімен награтталып отыр. #Информбюро #31арна #БастыЖаңалықтар #Новости #31канал