ការសម្ដែងរបាំព្រះថោងទម្រង់របាំ១០០ឆ្នាំ ក្នុងវគ្គប្រកួតវគ្គផ្តាច់ព្រ័ត្រ នៃកម្មវិធីវង់តន្រ្តីខ្មែរ

វីដេអូការសម្ដែងរបាំព្រះថោងទម្រង់របាំ១០០ឆ្នាំ ដោយក្រុមរបាំព្រះរាជទ្រព្យ នៃក្រសួងវប្បធម៌និងវិចិត្យសិល្បៈ ក្នុងវគ្គប្រកួតវគ្គផ្តាច់ព្រ័ត្រ នៃកម្មវិធីវង់តន្រ្តីខ្មែរ រដូវកាលទី១ (ការប្រកួតវង់ភ្លេងការបុរាណ និងវង់ភ្លេងការសម័យកណ្តាលខ្មែរ) កាលពីថ្ងៃទី២៥ ខែមិថុនា ឆ្នាំ២០២០ នៅស្ទូឌីយូបាយ័នស្ទឹងមានជ័យកន្លងទៅ។ របាំព្រះថោងទម្រង់របាំ១០០ឆ្នាំ គឺជាប្រភេទរបាំបុរាណមួយក្នុងចង្កោមរចនាបទរបាំព្រះរាជទ្រព្យ ដែលបានចុះក្នុងបញ្ជីបេតិកភណ្ឌវប្បធម៌អរូបិយ៍មនុស្សជាតិពិភពលោក របស់អង្គការ UNESCO ក្នុងឆ្នាំ២០០៨។ របាំព្រះថោងទម្រង់១០០ឆ្នាំនេះផងដែរ ជាប្រភេទរបាំបួងសួង ដែលបានរៀបចំដាក់ឱ្យសម្ដែងឡើងវិញដោយសម្ដេចព្រះរាជបុត្រីព្រះរាម ព្រះនរោត្តម បុប្ផាទេវី ដែលជាទេពនាដីឯកនៃព្រះរាជាណាចក្រកម្ពុជា។