Атақты мерген Кейкі батырдың бас сүйегі елге әкелінді

Атақты мерген Кейкі батырдың бас сүйегі елге әкелінді. Аманкелді Имановтың қарулас серігі болған сардардың басы бүгін түнде арнайы ұшақпен Астанаға жеткізілген. Тәуелсіздік алғалы аңсаған жаңалықты естіп, сүйіншілеген азаматтар тіпті күтіп алуға әуежайға да барды. Алайда, батыр аталарының басын көре алмай қайтты. Құпия операция сынды өткен шараның мән-жайын ресми органдар да түсіндірмей отыр.