വേളിമല കുമാര കോവിൽ | തക്കല | കന്യാകുമാരി | VELIMALA KUMARA KOVIL | KANYAKUMARI | TAMILNADU

തിരുവനന്തപുരവുമായി അതിർത്തി പങ്കിടുന്ന കന്യാകുമാരിയിലെ തക്കലയ്ക്ക് അടുത്താണ് വേളിമല കുമാര കോവിൽ. വിശ്വാസപരമായും പ്രകൃതി ഭംഗിയാലും ഏറെ പ്രത്യേകതകൾ നിറഞ്ഞ ക്ഷേത്രമാണിത്. മുരുകന്റെ രണ്ടാമത്തെ ഭാര്യയായ വള്ളിയുമായി മുരുകന്റെ വിവാഹം നടന്നത് ക്ഷേത്രം സ്ഥിതി ചെയ്യുന്ന മലയിൽ വച്ചാണെന്നാണ് പറയപ്പെടുന്നത്. അതുകൊണ്ടാണ് ഈ മലയ്ക്ക് വേളിമല എന്ന പേരുവരാൻ കാരണം. ( വേളി എന്നാൽ വിവാഹം ) തിരുവിതാംകൂർ രാജകുടുംബത്തിന്റെ കാലം തൊട്ട് തന്നെ പത്മനാഭസ്വാമി ക്ഷേത്രവുമായി ഏറെ ബന്ധമുണ്ട് കുമാര കോവിലിന്. നവരാത്രി കാലത്ത് ശുചീന്ദ്രം ക്ഷേത്രത്തിൽ നിന്നും പത്മനാഭപുരം ക്ഷേത്രത്തിൽ നിന്നും ഒപ്പം കുമാരകോവിലിൽ നിന്നുമുള്ള വിഗ്രഹങ്ങൾ പത്മനാഭസ്വാമി ക്ഷേത്രത്തിൽ എത്തിച്ച് പ്രത്യേക പൂജകൾ കഴിക്കാറുണ്ട്. നിരവധി മലയാളികളാണ് ക്ഷേത്രദർശനത്തിനായി ഇവിടെയെത്തുന്നത്. പശ്ചിമഘട്ടത്തിന്റെ തെക്കേ അറ്റത്തെ താഴ്വരയിലായാണ് ക്ഷേത്രം സ്ഥിതി ചെയ്യുന്നത്. അതുകൊണ്ടുതന്നെ പ്രകൃതി ഭംഗിയാൽ മനോഹരമാണ് ക്ഷേത്രം. ക്ഷേത്രത്തോട് ചേർന്നുള്ള കുളവും സഞ്ചാരികളെ ആകർഷിക്കുന്നു.